Рустам Мирсодиқов бошчилигидаги “Металлург” 11 апрель куни Фарғонанинг “Нефтчи”сига қаршига ўйнайди. Ноқулай рақиблар. Бу эса охирги баҳсларда қайд этилётган натижалардан кўриниб турибди.
Қизиқарли тарафи бу йилги мавсумда томонлар мамлакат гранди “Ломомотив” билан учрашишга улгуришган ва дуранг натижа қайд этишга муваффақ ҳам бўлишган. Фарқи Исмоилов жамоаси бу натижага сафарда эришган бўлса, бекободликларда бунинг акси. 3-турни ғалаба билан якунланган жамоалар кейинги баҳсга ижобий кайфиятга етиб келишмоқда. Айниқса, “Нефтчи”...
“Нефтчи” жамоаси сўнгги турда ажойиб натижага эришди. Қўқонда бўлган дербида улар “Навбаҳор”ни мағлуб этишди. Иродали ғалаба. Агар ўша ўйинда Отабек Ҳайдаровнинг супер зарбаси бўлмаганида баҳс нурсиз натижа билан тугаши аниқ бўлиб улгурганди. Бироқ Ҳайдаров бунга рози бўлмади. Аслида Отабек охирги ўйинларда захирадан майдонга чиқиб анча муваффақиятли тўп суряпти.
Ўтган йили “Нефтчи”нинг биринчи ғалабаси қўлга киритилиши жуда чўзилиб кетганди. Иш Мурод Музаффаровични истеъфоси ҳақидаги миш-мишларгача борганди. Наманган жамоасига қарши нурсиз дуранг билан якунига етаётган баҳсда ҳам ўтган йилги ҳолатни такрорланиши борасидаги фикрлар мухлислар хаёлидан ўтган бўлиши табиий. Аммо мавсумнинг илк зафари 3-турда қўлга киритилди. Ўйиндан-ўйинга фарғоналиклар ҳужум сифатини ошириб боришмоқда. Ҳимоя зонаси ҳам нормал кўринишда. ОТЖдан Сардор Раҳмонов қайтди. Бу эса Фарғона жамоаси ҳимоя чизиғини янада кучайтириши мумкин. Умуман, Исмоиловда ҳимоя борасида муаммолар йўқ деярли. Мансур Саидов ва Бахтиёр Ёқубов ҳам анча ўзгариб кетган “Нефтчи” билан чиқишиб олишмоқда. Рўзимбой Аҳмедов ва Мурод Бобожонов жамоанинг хавфли қуролига айланишган. Аббос Махситалиев жамоага тўлиқ киришиб кетгани йўқ. Умумий қилиб айтганда у ўз имкониятлари даражасида тўп сурмаяпти. Агар у ҳам жамоадошлари билан яхши чиқишиб олса, ўз қанотида анча-мунча рақибга жиддий муамо туғдира олади.
Мурод Исмоилов ўтган йили клубга келганда жамоани қайтадан шакллантириш учун вақт керак эканлигини айтганди. Бироқ мураббий аниқ бир мутаддат борасида гап очмаганди. Афтидан, Исмоилов ўзи истаган “Нефтчи”ни яратиш учун ўтган мавсум кифоя бўлди чоғи. Шу қатори “Нефтчи” устози бу йил жамоада жиддий ўзгаришлар бўлмаслигини ва аниқ бир таркибни шакллантиришини ОАВга маълум қилди. Тажрибали ижрочилар ва ёш иқтидорлардан курашувдан жамоа яратишни ният қилган Мурод Исмоиловга аталган вақтлар яқинга ўхшайди...
Ҳожиакбар Жабборов.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Сурхон
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
