"Локомотив" бор эътиборини "Ал Ҳилол" билан баҳсга қаратади
"Локомотив" ўзининг навбатдаги учрашувини Осиё чемпионлар лигаси доирасида "Ал Ҳилол"га қарши ўтказади. 21 апрель куни "Локомотив" стадионида бўлиб ўтадиган баҳсга "темирйўлчилар"нинг тайёргарлиги бугундан бошланди. Футболчилар соат 11:00да жамоа қароргоҳида йиғилиб, асосий стадионда машғулот ўтказишди.
Машғулотда асосан кечаги ўйиндан кейинги тикланиш машқларига эътибор берилди. Эртадан бошлаб жамоа яна билан тўп билан ишлай бошлайди. "С" гуруҳида кураш олиб бораётган "Локомотив" гуруҳдан чиқиши учун навбатдаги иккита беллашувда ғалаба қозониши талаб этилади. Аввалига ўз майдонимизда "Ал Ҳилол"ни қабул қилсак, 5 май куни сафарда "Фулад" меҳмони бўламиз. Бу турда "Фулад" "Ал Садд" билан ўйин учун Дохага боради.
"Локомотив" - "Ал Ҳилол" учрашувини сариқ карточкалари сони иккитага етгани туфайли Ислом Тўхтахўжаев ўтказиб юборади. Қолган футболчиларнинг ҳаммаси соппа-соғ, насиб қилса ўйингача барча юз фоиз тайёр ҳолатда бўлади. Эслатиб ўтамиз, "Локомотив" - "Ал Ҳилол" учрашуви 16:00да бошланади.
Манба: www.lokomotiv.uz
Киритилди: 18:28, 17.04.2015. Ўқилди: 3435 марта. Фикрлар: 4 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар