Аёллар футболи бўйича Ўзбекистон суперкубоги жавоб учрашуви олдидан Қарши шаҳридаги “Геолог” стадиони анжуманлар залида ҳар икки жамоа мураббийлари ҳамда жамоа сардорлари иштирокида матбуот анжумани бўлиб ўтди.
Дастлаб “Металлург-W” жамоаси бош мураббийси Шерали Бобоқулов эртанги учрашув ҳақида ўз фикрларини билдириб ўтди:
– Эртага жуда мухим учрашув кутиб турибди. Биринчи ўйинда ҳисоб йирик кўриниш олди. Биз ўша учрашувга етарлича тайёргарлик кўра олмаган эдик. Эртанги ўйинда энг мазмунли ўйинларимиздан бирини кўрсатамиз ва ўзимизнинг ўйлаб келган режаларимиз бор. Аввалги баҳсдаги натижани унутган ҳолда ҳаракат қиламиз.
Наргиза Абдурасулова(жамоа сардори):
– Жамоа жавоб ўйинига аввалгига нисбатан кучлироқ тайёргарлик кўрди. Эртага бўлиб ўтадиган ўйинда фақат ғалаба учун майдога тушамиз.
- Қашқадарё футболи, хусусан воҳадаги аёллар футболига бўлган эътибор ҳақида фикрингиз?
– Икки номдор клублар — “Насаф” ва “Севинч” жамоасининг кўрсатаётган натижалари ҳам эркаклар футболи, ҳам аёллар футболи Қашқадарёда жадаллик билан ривожланаётганини кўрсатади. Воҳада футболга бўлган муносабат бошқача. Ҳамма қулайликлар яратилган. Фақат ишлаш керак… Умуман олганда “Севинч” бугун мамлакатимизнинг энг етакчи клуби. Бу жамоадан ўрганадиган томонларимиз кўп. Бу эса “Севинч” жамоасининг танлаган йўли тўғри эканлигини ифодалайди.
- Суперкубокнинг дастлабки учрашувида жамоангиз йирик ҳисобда мағлуб бўлди. Жавоб учрашувида вазхиятни ўнглашга ишонасизми?
– Биринчи ўйиндаги натижа эсдан чиқади… Футболда ҳар қандай натижа кузатилиши мумкин. Европа чемпионлар лигаси доирасида олдинги ўйинда 3:1 ҳисобида мағлуб бўлган “Бавария” вазиятни ўнглаб “Порту”ни йирик ҳисобда мағлуб этди. Нима учун биз ҳам шундай реванш ололмас эканмиз. Ўйлайманки, биз ҳам “Севинч”ни мағлуб эта оламиз.
- Жамоангиз олдида қандай вазифа қўйилган?
– Жамоанинг олдига шу вақтгача аниқ вазифа қўйилмаган эди. Рахбариятнинг эътибори яхши. Шундай экан, биз ўтган мавсумдаги ютуқларимиздан пастламоқчи эмасмиз. Чемпионлик ва кубок баҳсларида фақат бош соврин учун курашамиз.
- Эркаклар футболи билан аёллар футболининг фарқи нимада деб ўйлайсиз?
– Аёллар нозик дид соҳиби, уларнинг руҳияти бошқа… Шуларни инобатга олган ҳолда иложи борича жамоани аниқ мақсад сари етаклаймиз. Эртага Ўзбекистон кубоги финалидаги натижа тасодиф эмаслигини исботлашга ҳаракат қиламиз.
Шу ўринда “Металлург” жамоаси номидан ўзбек футболида ўз ўрнига эга бўлган, футболимиз ривожига муносиб ҳисса қўшган Мирон Кимнинг вафоти муносабати билан оила аъзоларига чуқур ҳамдардлик билдираман.
Олим ТОЛИПОВ ёзиб олди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
