Матбуот анжуманининг иккинчи қисмида журналистларнинг саволларига «Навбаҳор» бош мураббийи Бахтиёр Ашурматов жавоб қайтарди:
- Учрашувнинг биринчи бўлимида йигитлар таниб бўлмайдиган даражада ўйин кўрсатишди. Бунга нима халақит қилганлигини била олмадим. Чунки бугун ўйингоҳда мухлисларимиз футболчилар учун ажойиб муҳитни яратиб беришди. Олдинги учрашувларга нисбатан кўпроқ ишқибозлар жамоамизни қўллаб-қувватлашди. Ўйиндан олдин йигитларга «Насаф»ни кучли жамоа эканлигини айтиб, биз мавсумдаги энг кучли ўйинларимиздан бирини кўрсатсак ижобий натижага эришишимиз мумкинлигини айтиб ўтгандик. Афсуски биринчи бўлимда футболчиларимиз ўзларини кўрсата олишмади. Танаффус пайтида футболчиларга футболда натижа ҳар хил бўлиши мумкин, мағлубиятга ҳам учраш мумкин. Лекин, қандай ҳолат бўлишидан қатъий назар муносиб ўйин кўрсатиш лозимлигини уқтириб, биринчи навбатда мухлислар учун ўйнашларини сўрадим. Иккинчи бўлимда бошқача ўйинга гувоҳ бўлдик. Йигитлар охиригача курашишди ва ижобий натижа учун сўнгги сонияларгача умидни сўндиришмади. Тўғри биз ғалаба қозонишни хоҳлагандик. Аммо, якунда дуранг натижа кузатилди. Бунга асосий сабаб сифатида учрашувнинг биринчи қисмида кўрсатган ёмон ўйинимизни кўрсатишим мумкин.
- «Насаф» жамоасининг олдинги ўйинларини кузатган бўлсангиз керак. Айтингчи, рақиб аввалги учрашувлардан қай тарзда фарқли ўйин кўрсатди?
- «Насаф» шаклланган кучли жамоалар сирасига киради. Боз устига жамоани тажрибали мураббий бошқармоқда. Чинданам рақибнинг олдинги учрашувларини кузатгандик. Улар ОЧЛда қатнашаётганликлари боис ўйинларда жамоа таркиби турлича бўлиб келаётганди. Афсуски «Насаф» ОЧЛнинг кейинги босқичига чиқа олмади. Айнан бу ҳол бизнинг зараримизга ишлади. Негаки, қаршиликлар асосий эътиборларини миллий чемпионатга, биринчи навбатда бизга қарши учрашувга қаратишга мажбур бўлишди. Биринчи бўлимда меҳмонлар яхши таассурот қолдиришди ва кутганимиздек тарзда ҳаракат қилишди. Биринчи бўлимда жамоамиз бўш ўйин кўрсатганимиз боис рақиб кучли кўринди. Танаффусдан кейин йигитлар ўзларига келишди ва бор куч ва маҳоратлари билан ҳаракат қилишди. Айнан шу сабабли «Насаф» жамоамиздан кучли кўрингани йўқ. Шу ўринда жамоамизнинг ўйини хусусида ҳам тўхталиб ўтишни истардим. Негаки йўқотишларимиз жуда ҳам кўпайиб кетди. Бобир Акаров қизил карточка олганлиги учун Тоҳир Шамсиддинов эса дисквалификация туфайли, Раҳматилло Бердимуродов, Азамат Бобожонов ва Аъзам Алиевлар жароҳат туфайли бизга ёрдам бера олишмаяпти. Бугунги учрашувда эса Роббим Ҳасанов истимаси кўтарилганлиги сабабли майдонга туша олмади. Айнан шу жиҳат ҳам ўз таъсирини кўрсатмоқда. Қандай ҳолат бўлишидан қатъий назар вазиятдан чиқишимиз талаб этилади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
