“Навбаҳор” – “Олмалиқ” жамоалари ўртасидаги учрашувдан кейин ўтказилган матбуот анжуманининг биринчи қисмида меҳмонлар бош мураббийи Игорь Шквирин иштирок этди:
- Дастлаб, мамлакат олимпия терма жамоасини Осиё чемпионати йўлланмасини қўлга киритганлиги билан наманганликлар ва олимпиячиларимиз устози Бахтиёр Ашурматовни табриклайман. Ўйин борасида гап кетганида, очиғини айтганда қайд этилган натижадан кўнглим тўлмаганлигини айтиб ўтишим жоиз. Негаки, учрашув давомида гол уриш борасида рақибга қараганда кўпроқ имкониятларга эга бўлдик. Айниқса иккинчи бўлимдаги вазиятлар кўп бўлди. Агарда имкониятлардан самарали тарзда фойдалана олганимизда ғалаба қозонган бўлардик. Шу ўринда ўйинни жанговор руҳда ўтганлигини айтиб ўтишни истардим. Майдонда кўплаб курашлар кузатилди. Гарчи бугун меҳмонда бир очкони қўлга киритган бўлсакда, аввалдан кейин уч очкони қўлга киритамиз деб ўйлагандим. Футболчиларимизга “Навбаҳор” жамоаси аъзоларини иккинчи қаватда яхши ҳаракат қилишларини таъкидлаб ўтгандик.
Хусусан, Эркинов, Мамазулунов ва захирадан сафга қўшилган Бақоевлар бош билан яхши ўйнай олишади. Айнан шу сабабли ҳам голлар иккинчи қаватдаги курашлардан кейин урилди. Агарда ҳимоячиларимиз жиддийроқ қаршилик кўрсатиб, рақиб ҳужумчиларига имкон беришмаганида натижа бошқача бўлиши мумкин эди. Қайсидир маънода омад ёки маҳорат етишмагандир. Мисол учун биринчи бўлимда Омонов ҳамда Ўруновлар яхшигина имкониятлардан фойдалана олишмади. Ушбу футболчиларимиз иккинчи қаватда масалан Эркинов каби ҳаракат қила олмасликлари учун гол ура олишмагандир. Лекин, иккинчи томондан олиб қараганда Омонов иккинчи бўлимда дрвозабон билан яккама-якка чиққан вазиятда бошқачароқ тарзда ҳаракат қилганида натижа ўзгача бўлиши мумкин эди.
Матнда хатолик топсангиз, ўша хатони белгилаб, бизга жўнатинг (Ctrl + Enter).