Роналду
Месси
Салоҳ
Неймар
Винисиус
Холанд
Мбаппе
Левандовски
Флик
Анчелотти
Гвардиола
Файзуллаев
Машарипов
Шомуродов
Отабек Шукуров
Катанец
Абдуқодир Ҳусанов «ПСЖ» дарвозасига гол урди (видео) [6873]
«Ланс» - «ПСЖ» ўйинида Ҳусановга неча балл қўйилди? [4528]
Зидан фақат иккита жамоада ишлашга тайёр [3156]
"Реал" футболчиси жамоани тарк этади, сабаби... [2769]
"Манчестер Юнайтед" учта футболчи учун 200 миллион евро сарфлаши мумкин [2680]
Флик ортиқ "Барселона" юлдузига ишонмайди [2569]
Левандовски "Атлетико"дан учралган мағлубият сабабини айтди [2159]
2024 йилда нархи сезиларли ошган футболчилар рейтинги [2044]
«Ланс» - «ПСЖ» ўйинида Ҳусановга неча балл қўйилди? [70]
«Навбаҳор» нигерялик футболчи билан шартнома имзолади [15]
"Барселона"нинг "Реал" қарши ўйиндан кейинги натижалари кескин тушиб кетди [13]
Абдуқодир Ҳусанов «ПСЖ» дарвозасига гол урди (видео) [12]
Ла лигада декабрь ойининг энг яхши мураббийи аниқланди [9]
Левандовски "Барселона"нинг асосий камчилигини айтди [9]
"Навбаҳор" беларуслик футболчини ўз сафига қўшиб олди [9]
Неймарнинг отаси ўғли нега "Барселона"дан кетганини тушунтирди [8]
Левандовски "Атлетико"дан учралган мағлубият сабабини айтди [8]
Неймарнинг отаси: "Ўғлимнинг "Барселона"да қолишини жуда хоҳлардим" [7]
| № | Жамоа | Ў | О | |
|---|---|---|---|---|
| 1 | |
Атлетико | 18 | 41 |
| 2 | |
Реал Мадрид | 18 | 40 |
| 3 | |
Барселона | 19 | 38 |
| 4 |  |
Атлетик Бильбао | 19 | 36 |
| 5 |  |
Вильярреал | 18 | 30 |
| 6 |  |
Мальорка | 19 | 30 |
| 7 |  |
Реал Сосьедад | 18 | 25 |
| 8 |  |
Жирона | 18 | 25 |
| 9 |  |
Бетис | 18 | 25 |
| 10 |  |
Осасуна | 18 | 25 |
| 11 |  |
Сельта | 18 | 24 |
| 12 |  |
Райо Вальекано | 18 | 22 |
| 13 |  |
Лас-Пальмас | 18 | 22 |
| 14 |  |
Севилья | 18 | 22 |
| 15 |  |
Леганес | 18 | 18 |
| 16 |  |
Алавес | 18 | 17 |
| 17 |  |
Хетафе | 18 | 16 |
| 18 |  |
Эспаньол | 18 | 15 |
| 19 |  |
Валенсия | 17 | 12 |
| 20 |  |
Вальядолид | 18 | 12 |
| 19-тур | Мальорка | 1-5 | Барселона |
| 19-тур | Атлетик Бильбао | 2-1 | Реал Мадрид |
| 01/01 06:00 | Валенсия | - | Лас-Пальмас |
Ҳасанали ота
Фурқат Қурбонов
Холис таҳлилчи блоги
Жалолиддин ҚобилжоновИнтервьюлар олами ва таҳлилий мақолалар
Виктор Кумиков: "Бундай анархияга биринчи марта дуч келдим"
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлигиUzA.uz — спорт хабарлари блоги
“Сурхон” Супер лигага даъвогар...ми?
Маъмуржон Ибрагимов| Баҳо: |
+ | -
|
Аурелио Де Лаурентис нафақат кино оламининг таниқли арбоби ва «Наполи»нинг ҳалоскори , балки тенгги йўқ жанжалкаш сифатида ҳам донг таратган. «Napolimania» блоги тили ўткир президентнинг фаолиятидан лавҳаларни эълон қилди.
Мураббийлар билан муносабати
2008 йилнинг январида «Наполи» ўз майдонидаги «Лацио»га қарши ўйинда муҳим очколарни бой берганди. Бунга чидай олмаган Де Лаурентис ечиниш хонасига йўл олди ва бош мураббий Эдоардо Рейяга заҳрини сочди: «Ёшинг улуғ бўлгани учун сени дўппослашни ўзимга эп кўрмадим. Лекин зудлик билан лавозимингдан четлатаман!».
2009 йилнинг ёзида президент Роберто Донадони жамоаси учун бир қатор янги футболчиларни харид қилди. Лекин бош мураббий яна бир нафар ярим ҳимоячини сотиб олиш кераклигини билдирди: «Донадони бизга яна битта чап қанот ярим ҳимоячиси керак, деб ҳисоблаяптими? Марҳамат, ўз ҳисобидан бемалол сотиб олиши мумкин. Шундай қилса, у ҳақиқий эркакнинг ишини бажарган бўларди!»
Вальтер Мадзари ҳали «Интер»ни қабул қилишга улгурмай туриб собиқ «босс»идан табрик сўзларини қабул қилишга улгурди: «Мадзари ажойиб мутахассис! У билан 4 йил муваффақиятли ҳамкорлик қилдик. Унинг янги иш жойида ҳам самарали фаолият олиб боришига тилакдошман. Неаполда олиб қолиш учун барча имкониятларни ишга солдимми? Бу борадаги вазият худди никоҳдагига ўхшайди. Рафиқангни бир амаллаб кетмасликка кўндириш мумкин. Аммо у хиёнат қилишни истаётган бўлса, бу ишни барибир амалга оширади».
Бизнес - биринчи навбатда
Ўз футболчиларини туманли ўлканинг тиришқоқ скаутларидан ҳимоя қилишни Аурелио жуда яхши билади. Матбуотда АПЛ клублари Марек Гамшик ва Эсекиэль Лавесенга қизиқаётганликлари тўғрисидаги хабарлар пайдо бўлгач, президент жамоа аъзоларига океан орти ҳаёт ҳақида маълумот берди: «Кимда-ким Англияга кетишни режалаштираётган бўлса, огоҳлантириб қўяй: у ёқда шароит жуда оғир, ейиш-ичиш кўнгилдагидек эмас. Наҳотки сиз қашшоқ ҳаётни ёқтирасиз?».
Де Лаурентис ўз футболчиларидан аввало шартномани ҳурмат қилишни талаб этади. Акс ҳолда, у ҳар қандай юлдуздан ҳам воз кечишга тайёр: «Менинг уйимда ҳаммаси мен ўйлагандек бўлиши керак. Бу ерни тарк этмоқчимисан? - фақат келишув муддати тугаганидан кейин. Шартномани ҳурмат қилиш лозим. Буни истамасалар, адвокатларим уларнинг фаолиятини яхшилаб текшириб чиқадилар ва мол-мулкларини мусодара қиладилар».
Ҳа, дон Аурелио билан ҳазиллашиш яхшиликка олиб келмайди. Айниқса, иш ҳақи миқдорини оширишни талаб қиладиган футболчиларни у ёқтирмайди: «Агар Кавани йилига 7-8 млн.дан талаб қиладиган бўлса, уни захира ўриндиғида чиритиб юбораман».
2009 йилда машҳур кинопродюсер Эсекиэль Лавеззи билан илк марта жанжаллашиб қолишди. Аргентиналик ҳужумчи «Наполи»ни тарк этиш пайига тушиб қолгач, дарғазаб президент заҳрини сочди: «Агар у ўзини чинакам спортчи деб ҳисобласа, тун бўйи санқиб юришларга чек қўйсин. Ахир у тонггача ичкиликка берилиб, тунги клублардан боши чиқмаса, мен нима ҳам қила олардим?».
Кейинчалик Лавеззининг яқинлари Аурелиодан футболчига бир ҳафталик таътил беришни илтимос қилишди. Бироқ президент илтимосни қатъиян рад этди: «Улар Эдинсонни Порто Ротондога (Сардиниядаги сиҳатгоҳ) жўнатмоқчи эканлар. Мен уларнинг ўзларини «тегишли жой»га равона қилдим».
Футболчининг агенти Алехандро Маццони трансфер хусусида бошқа жамоалар билан музокара олиб боргани учун Де Лаурентиснинг нафратига дучор бўлди: «Агар ўша Маццони қандайдир бемаъниликка йўл қўйса, мен уни соғ қўймайман!».
Доимо ўз жамоасини ҳимоя қилади
Жамоа манфаатлари Аурелио учун ҳамма ерда ва ҳар қачон биринчи ўринда туради. Америка кубоги беллашувларида Эдинсон Кавани тиззасидан жароҳат олганди. Оғриқдан афти буришган футболчи суратига кўзи тушган президент ўша заҳоти ҳужумга ўтди: «Уругвайликлар Каванини авайлаб парвариш қилишсин. Акс ҳолда, қолган умрлари қамоқда ўтади. Агар Эдинсонни ногирон ҳолда қайтарсалар, мен уларни ўлдираман!».
Гонсало Игуаин ҳали Неаполга келиб улгурмасдан, кутилмаган фалокатга дуч келди. Ўртоқлари билан Капри оролида дам олаётган футболчи чўмилмоқчи бўлиб яхтадан сувга сакраган ва бошини сув ости тошларига уриб олганди. Бундан хабардор бўлган Де Лаурентис маҳаллий ҳокимият маъмурларидан 100 млн. евро товон пули талаб қилди: «Ҳозирча Гонсалони кўрганим йўқ. Лекин менга берилган маълумотга кўра, унинг юзини 10 еридан тикишибди. Маҳаллий ҳокимият вакилларига сабоқ бериш имконияти туғилди. Биз 100 млн. евро миқдорида товон пули талаб қиламиз. Капри мэри қаёққа қараяпти? Ҳудуд президенти қандай юмушлар билан машғул? Биз худди Африкада яшаётгандекмиз».
«Наполи» президентини нафақат ўз футболчилари, балки бошқалар ҳам қизиқтиради. Масалан, Лео Мессининг Америка кубоги турнирига йўл олгани ҳам уни бефарқ қолдирмади: «Месси - тентак! Нима учун у терма жамоанинг таклифини қабул қилди. Мен унинг ўрнида бўлганимда шундай деган бўлардим: «Мен билан муносиб тўп сура олмайдиган ношудлар жамоасида ўйнамайман!».
Хиёнатни кечирмайди
Қишда ОАВ Лавессининг «Наполи»га қайтиш орзуси ҳақидаги хабарларни чоп этди. Аурелио бу борада ҳам дарҳол ўз нуқтаи-назарини билдирди: «Лавессининг қайтишини истайсизми? У бизсиз ҳам бинойидек яшамоқда. Пули етарли. Агар у Неаполга келиш орзусида бўлса, марҳамат, ўзига бошпана сотиб олсин-да, яшайверсин».
Савдо илмини яхши билади
Журналистлар Игуаиннинг «Барселона»га трансфери хусусида савол беришганида, Де Лаурентис қуйидагича жавоб қайтарди: «Касбдошларингиз таъкидига кўра, Игуаин шартномасида товон пулини 70 млн. евро миқдорида белгилаган эмишман. Шуни айтишим мумкинки, ўтган йили шартномани расмийлаштирган пайтимда 100 млн. евро ёзувига кўзим тушганди. Матбуотни доимо ғафлатда қолдиришга уринишади. Журналистлар турли тахмин ва гипотезалардан даромад манбаи сифатида фойдаланадилар. Бироқ наҳотки улар ўз фаолияти давомида 400дан ортиқ фильмлар яратган ва клубда 10 йилдан бери ишлаётган кишини футболчилар билан шартнома тузишни билмайди, деб ўйласалар?».
Замонавий футболдаги фантастик баҳолар ҳам дон Аурелиога маълум эмас. Аммо ўзи қулай фурсатдан унумли фойдаланишни билади: «Аслида Кавани сотиш ниятида эмасдим. Шу сабабли баҳони 70 млн.га кўтариб, менга шунча пулни тўлайдиган мард топилишини билиш мақсадида трансферга қўйгандим».
Рафаэль Бенитеснинг тақдимот маросимида Де Лаурентис ўзининг профессионал шоумен ҳислатини намо-йиш этди. Мавзу Каванининг «Челси»га ўтишига кўчганида президент Роман Абрамовичнинг ёрдамчиси - Марина Грановскаяга шаъма қилган ҳолда «Марина, Марина, Марина», дея куйлай бошлади. Грановская айнан шу трансфер билан шуғулланаётганди.
УЕФА ва Платини билан жанжаллашиб юради
Бир неча йиллик танаффусдан сўнг «Наполи» еврокубок мусобақаларига қайтгач, касбдошларимиз Де Лаурентиснинг ЕЛ хусусидаги фикрлари билан қизиқишди: «ЕЛ? Бу турнир мени умуман қизиқтирмайди. Платини билан Блаттерлар бор экан, бу мусобақа ҳеч қандай мавқега эриша олмайди».
ЕЧЛнинг аввалги мавсумида «Галатасарой» ўз гуруҳида «Ювентус»дан ўзиб кетганида ҳам Аурелио Мишелга таъна тошларини ёғдирди: «Ҳайронман, Англия, Франция, Германия, Испания ва Италия каби етакчи футбол мамлакатларини ҳурмат қилишни Платини қачон ўрганар экан? Бунинг ўрнига, у доимо митти давлатларга ён босади. Чунки унга сайловда овоз керак».
Жамоа ўз майдонида «Днепр»ни мағлуб эта олмаганида (1:1), соҳиб ўз асабларини жиловлай олмади: «/азабдан ўзимни қаёққа уришни билмаяпман. «Днепр» соф «офсайд»дан гол урди. Мутасаддилар умуман маъниси бўлмаган турнирга муҳимлик беришга уринмоқдалар. Иштирокимизнинг асосий сабаби шуки, у ЕЧЛга чиқишимизга ёрдам беради. Ярим финалга 6 нафар ношуд ҳакамларни тайинлаш мумкин эмас. Футболчиларимизни танқид қилишга менда ҳеч қандай асос йўқ. Ҳакамлар «Днепр»га ён босишдими, демак, «Наполи» кимларгадир ёқмайди, ЕЛ кубоги Испанияга, «Севилья»га йўл олиши керак. Ундан кўра, нима исташингизни очиқ айтиб қўя қолсангиз, биз дарҳол йўл берардик. Чунки кўпчиликка кулги бўлишни истамаймиз.
Платини ҳукмронликни давом эттирмоқчи бўлса-да, бунга эътироз йўқ. Бироқ у худди монархлар каби доно бўлиши лозим. Малакали ҳакамларни белгилаш унинг қўлидан келарди. Мен кеча Никола Риццолининг ЕЧЛ учрашувидаги ҳаракатларини кузатдим. Ҳакам шундай бўлиши керак. Бизга эса Моэн насиб этди. У ким? У ҳақда ҳеч эшитганмисиз? Қимматли Мишель мен сени яхшироқ билиши учун ибодат қиламан. Яхши тушлар кўриб ёт!».
«А» серияси фитналарини аниқ топади
Январь ойида «Наполи» «Сан-Паоло»да «Ювентус»дан енгилди - 1:3. Бу мағлубият ҳам президентни қаттиқ ранжитди: «Биз чарчадик! «Ювентус»-кучли жамоа. Бироқ ҳакамлар ҳам унга ён босадиган бўлишса, уни енгиб бўлмайди!» Ҳатто ғалаба онларида ҳам Аурелио «кекса синьора»ни «чақиб олиш»ни канда қилмайди. Масалан, ўтган мавсумдаги ғалабадан сўнг: «Бундай «Наполи» билан фахрланаман. Агар «Юве»даги 150 млн. еврони менга беришса, қаторасига 10 марта Скудеттони қўлга киритардим». Де Лаурентиснинг танқидлари фақат «Ювентус»га қаратилган эмас. 2010|2011 йиллар мавсумида «Наполи»нинг асосий рақобатчиси «Милан» бўлганди:
«Скудетто»ни қўлга киритишимизга ишончим комилми? Албатта, йўқ! Соврин мендан кўра Берлусконига кўпроқ зарур. Бунинг учун у барча чораларни кўрмоқда. Берлусконига қаршилик кўрсатишдан наф йўқ». «Наполи» президентининг асосий «чиқиш»и 2011 йилнинг августида, чемпионат тақвими эълон қилинганида юз берди. Де Лаурентисга унинг жамоаси 3-турда ЕЧЛнинг илк беллашувидан кейин «Милан»га қарши майдонга тушиши ёқмаганди. Заифроқ рақибга дуч келишни мўлжаллаган президент бор қаҳр-ғазабини журналистларга сочган ҳолда нотаниш йигитнинг мотоциклига ўтирганча кўздан ғойиб бўлди:
«Мен футболга нуқта қўйдим! Барчангиз кераксиз чиқиндисиз! Ҳамма нарса аввалдан бизга қарши қўйилган. Бу - шармандалик! Италиялик бўлиб туғилганимдан ор қиламан».
Акмаль Эшонхонов тайёрлади
Матнда хатолик топсангиз, ўша хатони белгилаб, бизга жўнатинг (Ctrl + Enter).
| № | Футболчи | Гол | |
|---|---|---|---|
| 1 | |
Роберт Левандовски | 16 |
| 2 | |
Рафинья | 11 |
| 3 | |
Килиан Мбаппе | 10 |
| 4 | |
Анте Будимир | 10 |
| 5 | |
Александр Серлот | 8 |
| 6 | |
Айосе Перес | 8 |
| 7 | |
Доди Лукебакио | 8 |
| 8 | |
Винисиус Жуниор | 8 |
| 9 | |
Сандро Рамирес | 7 |
| 10 | |
Антуан Гризманн | 7 |
Қаҳрамон Асланов |
|
|
Шуҳрат Шокиржонов |
|
|
Шерзод Ражабов |
|
|
|
Ҳасанали Қодиров |
|
|
| барча конференциялар » |
|
© STADION.UZ Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт. Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар. |
|
|