“Бухоро”-“Сўғдиёна” (1:0) учрашувидан сўнг матбуот анжумани бўлиб ўтди. Унда меҳмонлар бош мураббийи Даврон Файзиев иштирок этди.
“Бугун олий лигани тарк этадиган жамоалардан бирини тақдирини ҳал қилиш мумкин эди. Ўйин анча қизиқарли ўтди. Бугун биз ўз тақдиримизни ҳал қилишимиз мумкин эди. Ғалаба қозонган тақдирда биз биринчи даврани юқорироқ ўринларда якунлаш имкониятига эга эдик ва олий лигада жон сақлаш имкониятимиз ошарди. Бугун афсус мағлуб бўлдик ва бу ғалабадан кейин “Бухоро” олий лигадаги ўз ўрнини осонликча бериб қўйиш нияти йўқлиги ва ҳали бу хавфли зонадан чиқиб кета олиш салохиятига эга эканлигини кўрсатди.
Бу футбол, футболда ҳар нарса бўлиши мумкин. Мана биз 11 метрлик жарима зарбасидан фойдалана олмадик, “Бухоро” эса ўз имкониятидан фойдаланди ва ғалабага эришди. Уларни бу ютуқ билан табриклайман. Охирги йилларда бизга Бухорода омад ҳеч кулиб боқмаяпти”-деди Файзиев.
-Пенальти тепиш бухоролик Сухроб Қобиловга ишониб топширилди. Бу қарор сизнинг кўрсатмангиз эди-ми ёки футболчи ўзи ташаббускорлик қилиб жаримани амалга оширди-ми?
-Бу менинг кўрсатмам эди. Бизнинг штатли пенальтистимиз айнан у. Ўйиндан олдин пенальти бўлса, Сухроб тепиши кераглигини айтиб қўйгандим.
-Даврон ака, биз сизнинг фаолиятингизни анчадан бери кузатиб келяпмиз ва сизнинг йўқ жойдан жамоа туза олиш қобилиятингизга тан берганмиз. Ҳозир ҳам жамоангизда кўзга кўринган футболчилар йўқ, лекин сизнинг жамоангиз футболчилар учун трамплин вазифасини ўтаб беряпти. Футболчиларда жамоангиздан кейин фаолиятида ўсиш кузатилади...
-Албатта, тўғри айтасиз. Жамоамизда ўйнаган кўпчилик футболчиларни бошқа жамоалар бўлиб олишяпти. Дарҳақиқат, жамоамиз уларга трамплин вазифасини ўтамоқда. Бор эътиборимизни ёшларга қаратамиз, танилмаган футболчиларни таништиришга ҳаракат қиламиз.
-Иккинчи даврада “Сўғдиёна” трансферлар орқали таркибини кучайтирадими ёки ҳозирги таркибни сақлаб қолишга уринадими?
-Ҳар қандай мараббий ўз жамоасига кучли футболчиларни таклиф қилишни хохлайди. Лекин, ҳамма нарса молиявий имкониятдан келиб чиқиб бажарилади. Бизда легионер футболчи олишга имконият йўқ. Ҳозир биз 2-3та футболчи билан музокара олиб бормоқдамиз.
-Рақиб жамоасидан қайси футболчини ажратиб кўрсатган бўлардиз?
-Сухроб Нематов. У “Бухоро”нинг етакчиси, энг фаол футболчиси эканлигини билардик. Учрашувдан олдин футболчиларимга уни жиддий “қўриқлаш” кераклигини алоҳида таъкидлагандим. Ҳимоячиларимиз уни 85 дақиқа яхши ёпиб туришди, битта вазиятда уни кўздан қочиришди ва голни айнан ундан қабул қилиб олдик. Сухроб яхши жамоаларда маҳорат ошириб келди, ОЧЛ да “Насаф” таркибида иштирок этди, табиий-ки, бу нарсалар унга бугун устунлик бериб турибди, лекин жамоа битта футболчига боғлиқ бўлиб қолмаслиги керак, битта футболчи эса майдонда бир ўзи ҳеч нима қила олмайди. Бутун жамоа ҳамжиҳатликда бўлиши шарт.
-Даврон ака, кейинги савол сизга “Сўғдиёна” бош мураббийи сифатида эмас, балки четдан қараб турган мутахасис сифатида бермоқчимиз. Сизнингча “Бухоро”нинг бугунги кундаги аҳволга тушиб қолишига нима сабаб бўлган. Ким айбдор? Қаерда камчиликга йўл қўйилган?
-Четдан туриб баҳолайдиган бўлсам, ҳаммага маълум Бухорода ҳамма нарса етарли. Жамоа молиявий томонидан олий лига жамоаларининг кўпчилигидан бақувват ҳисобланади. Буни барча мутахасислар билишади. Менга ички муҳит қоронғу. Жамоанинг мавсумолди тайёргарлиги идеал тарзда кечган. Хориж йиғинлари ташкил этилган. Кўпчилик жамоалар ҳавас қиларли даража жамоа мавсумга ҳозирлик кўрди.Бир сўз билан айтганда қишда олиб борилган барча ишлар юксак даражада эди, шуни биламан. Қолгани менга қоронғу.
-Қизиқарли суҳбатингиз учун сизга катта раҳмат!
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
