Бугун “Бунёдкор” стадионида 3-турнинг қолдирилган баҳсида “Бунёдкор” ва “Шўртан” жамоалари куч синашишади.
“Бунёдкор” ва “Шўртан” жамоалари бунгача олий лигада 14 марта тўқнаш келишган. Ўн учрашувда “Бунёдкор”нинг қўли баланд келган бўлса, битта ўйинда “Шўртан” ғалаба қозонган. Яна учта ўйинда кучлар тенг келган. Тўплар фарқи – 29:2.
“Бунёдкор” жамоаси ўз тарихидаги энг йирик ғалабасини айнан “Шўртан” билан баҳсда қўлга киритган. 2008 йили Тошкентда ўтган учрашувда “қалдирғочлар” рақиб дарвозасига жавобсиз еттита гол уришган.
Ўзаро ўйинлар тўпурари Виктор Карпенко. “Бунёдкор”нинг собиқ аъзоси, ҳозирги кунда “Шўртан” шарафини ҳимоя қилаётган футболчи “қалдирғочлар” таркибида ўйнаган пайтларида ғузорликларни тўрт бор “ҳафа” қилган.
Қуйида “Бунёдкор” ва “Шўртан” жамоаларнинг “қалдирғочлар” мезбонлигида ўтган ўзаро учрашувлари қайдномаларидан кўчирмалар киритилган голлар видеолавҳаси билан танишишингиз мумкин.