Жаҳоннинг ХХ асрдаги энг кучли футболчилари ТОП-10
nternational Federation of Football History & Statistic (ИФФҲС) жаҳоннинг ХХ асрдаги энг кучли футболчиларини аниқлади. Демак ўтган асрнинг энг кучли футболчилари ўнлиги билан танишинг.
10. Бобби Чарлтон (Англия) – 508 очко
Чарлтон Англия футболи тарихидаги энг кучли футболчидир. Бобби 1966 йилда Англиянинг жаҳон чемпиони бўлиши учун катта хисса қўшган. У айни пайтгача инглизлар сафида энг кўп гол урган футболчи бўлиб турганлигини ҳам алоҳида таъкидлаб ўтиш жоиз.
9. Эйсебио (Португалия) – 544 очко
«Қора пантерра» лақабли Эйсебио Португалиянинг ХХ асрдаги энг кучли футболчиси деб тан олинган. У 1966 йилги мундиалнинг энг яхши тўпурари бўлган. 1985 йилда эса Европанинг энг яхши футболчисига айланган. Шунингдек Эйсебио 7 маротаба Португалия чемпионати тўпурарлигини ҳам қўлга киритган.
8. Гарринча (Бразилия) – 624 очко
Бразилиялик Гарринча икки карра жаҳон чемпиони ҳисобланади. У индивидуал ютуқларни унчалик ҳам кўп қўлга киритмаган бўлса ҳам, ҳар доим ўзи тўп сурган жамоаларнинг асосий «мотори» вазифасини бажарган.
7. Мишел Платини (Франция) – 722 очко
Франция тарихидаги энг яхши футболчи деб тан олинган Платини 1984 йилда терма жамоаси билан бирга Европа чемпиони бўлган. Шунингдек у ўша турнирда 9 та гол уриб, тўпурарга айланган. Мишел «Олтин тўп»ни кетма-кет 3 марта ютган илк футболчига айланган.
6. Ференц Пушкаш (Венгрия) – 810 очко
Испания ва Венгрия чемпионатларида 500 дан ортиқ гол киритган Пушкаш Венгрия тарихидаги энг кучли футболчи ҳисобланади. Ференц 1954 йилги мундиалда терма жамоаси билан бирган вице-чемпионликни қўлга киритган. У Чемпионлар кубоги финалларида «хет-трик» ва «покер» қайд этган ягона футболчидир.
5. Диего Марадона (Аргентина)
Марадонани футбол қироли деб ҳисоблайдиганлар талайгина. Бироқ ИФФҲС Диегони атиги 5-ўринга жойлади. Марадона Аргентинанинг ХХ асрдаи энг яхши футболчиси ҳисобланади. У 1986 йилги жаҳон чемпионатида терма жамоаси билан ажойиб триумфга эришган эди.
4. Алфредо Ди Стефано (Аргентина/Испания) – 1215 очко
Ди Стефано икки қитъанинг икки гранд терма жамоаси сафида тўп суришига қарамасдан жаҳон чемпионатларида иштирок эта олмади. Шунга қарамай у Мадриднинг «Реал» клуби сафида 50-60 йилларда афсона яратди. Қаторасига 5 марта Чемпионлар кубогида муваффақият қозонди. Бунинг устига у ана шу 5 та финалда ҳам гол уриб, ажойиб рекорд ўрнатди.
3. Франц Беккенбауер (Германия) – 1228 очко
Беккенбауер жаҳон чемпионатларида олтин, кумуш ва бронза медалларини қўлга киритган. Шунингдек у мураббий сифатида ҳам немисларни мундиал ғолибига айлантирган. Афсонавий футболчи 70-йилларда «Бавария» билан кетма-кет уч марта Чемпионлар кубогида зафар қучган.
2. Йохан Кройфф (Голландия) – 1303 очко
Кройфф 1971, 1973 ва 1974 йилларда «Олтин тўп»ни қўлга киритган. Афсуски унга жаҳон чемпиони бўлиш насиб қилмади. Бироқ Йохан 70-йилларда «Аякс» билан кетма-кет 3 марта Европа Чемпионлар кубогида ғолибликни тантана қилди.
1. Пеле (Бразилия) – 1705 очко
ХХ асрнинг энг кучли футболчиси деб Пеле тан олинган. Бразилиялик футболчи фаолияти мобайнида 1281 та голга муаллифлик қилган. У 3 карра жаҳон чемпиони бўлган ягона футболчи ҳисобланади. Пеле шунингдек ХХ асрнинг энг яхши спортчиси де ҳам эътироф этилган.
Фурқат Юсупов
Манба: www.Furkat.uz
Киритилди: 10:18, 10.07.2015. Ўқилди: 10059 марта. Фикрлар: 6 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
