Куни кеча Украинанинг "Рух" жамоаси билан шартнома имзолаган Максим Шацких, "Спорт-экспресс в Украине" нашрига интервью бериб, аввалги ("Говерла") ва янги жамоалари ҳақида ўз фикрларини билдириб ўтди.
— Максим, сиз кўпчиликни ҳайрон қолдиряпсиз. Айрим журналистлар сизни аллақачон пенсияга чиқарганда ҳам таслим бўлишни истамаяпсиз. Навбатдаги мавсумда юқори дивизионда ўйнашга кучингиз етишига ишонасизми?
— Ҳа, ҳеч қандай муаммосиз. Ҳамкасбларингизга бир неча марта такрорлаганман: одамлар совет менталитетидан воз кеча олишмаяпти, ҳамма футболчининг ёшига қарайди. Ёшга эмас, футболчининг майдондаги ҳаракатига, қандай ўйнаётганига, ураётган голларига қараш керак. Футбол ўйнаш учун ўзимда куч етарли эканини ҳис қиляпман.
— "Говерла"да сўнгги паллагача фақат сиз қолдингиз. Наҳотки сўнгги паллагача вазият ўзгаришига умид қилдингиз?
— Ҳа, ишондим. Мен ҳамиша умид қиламан. Лекин ҳозирча яхши томонга ўзгаришни кўрмаяпман. Шунинг учун кетдим.
— «Говерла»да сизни барча нарса қониқтираётганди, фақат…
— Ҳа, битта ҳолатдан бошқа барча нарса қониқтираётганди. Ҳеч бўлмаса қарзларнинг бир қисмини тўлаб беришса яхши бўларди. Мен футболни жуда яхши кўраман, аммо йил давомида жамоани фақат "нонушта" билан боқиб бўлмайди. Кечирасиз, энди буниси... Ахир мен ҳақиқий маънода оиламни ҳам боқишим керак. Оилам кичкина эмас.
— Маошингизни кутаётган пайтингизда бошқа таклифлар бўлгандир. Масалан, Украина биринчи лигаси ёки Қозоғистон ёки Озарбойжондан?
— Биринчи лигадан таклифлар бўлди. Қозоғистон ёки Озарбойжон таклифларига қараб ўтирмайман.
— «Рух»га ўтиш борасида аёлингиз билан маслаҳатлашдингизми?
— Албатта, бундай қарорларни биргаликда қабул қиламиз. Аёлим рози бўлгани учун Винников шаҳрига йўл олдим.
— Уй масаласини қандай ҳал қилмоқчисиз? Ўша жойда яшайсизми ёки Львовда яшаб — у ердан Винниковгача 4 километр — машинада қатнайсизми?
— Бу мураккаб савол (кулади). Бу масалани ўз ихтиёримга ташлашди: ёки ижарага уй оламан, ёки меҳмонхонада яшайман. Клуб президентининг ўз меҳмонхнаси бор. Шунинг учун бу томонлама муаммо бўлмайди.
— Маошингизни сир сақлашингиз табиий ҳол. «Рух»да оладиган маошингиз яшашга етадими?
— Пул? Менимча, бу энг асосийси эмас. Муҳим нарсалардан бири, аммо энг муҳими эмас. Мени ҳаммаси қаноатлантиради, десам тўғри бўлади.
— Шартнома фақат йил сўнгига қадар тузилган. Бу вақт давомида Премьер-лига жамоаларидан вариант қидирасизми?
— Ҳа, мен 2015 йил охирига қадар «Рух»да ўйнайман. Кейин нима бўлишини кўрамиз. Лекин мен профессионал футболдаги фаолиятимни тамомламоқчи эмасман.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
