Сўнгги йилларда «Манчестер сити»нинг йирик трансферларга қўл уришига ўрганиб қолдик. Олдинроқ жамоанинг энг қиммат футболчилари ҳақида маълумот бериб ўтган эдик. Бу сафар «шаҳар»ни тарк этган қимматбаҳо футболчилар ҳақида тўхталиб ўтишни жоиз деб билдик.
7. Николя Анелка - «Фенербахче». 7 млн.фунт (2005-йил)
2005-йилда «Манчестер сити» Анелка учун таклиф этилган 7 млн.фунтлик таклифни рад эта олмади. Туркиянинг «Фенербахче» клуби «шаҳрликлар» таркибида 3 мавсум тўп суриб, 103 та учрашувда, 45 та гол муаллифига айланган Николяни шунча маблағ эвазига сотиб олади. Француз ҳужумчиси жамоани совринсиз тарк этган эди.
6. Ведран Чорлука - «Тоттенхем». 8,5 млн.фунт (2009-йил)
Хорватиялик футболчи Манчестердаги 2-мавсумини кўнгилли тарзда ўтказа олмади. Натижада «шаҳрликлар» уни «Тоттенхем»га 8,5 млн.фунт эвазига сотиб юборишади. Чорлука жамоа сафида 1,5 йил ичида 47 ўйинда 1 та гол киритган эди.
5. Жером Боатенг - «Бавария». 10 млн.фунт (2011-йил)
«Гамбург»дан 10,4 млн.фунтга сотиб олинган футболчи «Манчестер Cити»да ўзини кўрсата олмайди. Немис футболчиси 1 мавсум ичида 24 та учрашувда майдонга тушади холос. Мавсум якунига етгач эса у яна Бундеслигага қайтади. Бу сафар «Гамбург»га эмас, «Бавария»га. Мюнхен клуби Жером учун 10 млн.фунтдан воз кечган эди.
4. Карлос Тевез - «Ювентус». 12 млн.фунт (2013-йил)
Мураббийлар билан чиқиша олмаган Тевез 2013-йилда «шаҳар»нит арк этишга қарор қилди. 4 мавсум мобайнида 73 та голга муаллифлик қилган аргентиналик ҳужумчи, 2011-йилда Премьер лига тўпурарлигини ҳам қўлга киритган эди. «Ювентус» Карлосни сотиб олиш учун 12 млн.фунтни бахридан кечди ва ҳужумчи илк мавсумидаёқ «А» серия тўпурарига айланди.
3. Робино - «Милан». 18 млн.фунт (2010-йил)
Катта умидлар билан Мадриднинг «Реал» клубидан сотиб олинган Робино фақатгина 1 мавсум ўзини кўрсатди холос. Иккинчи мавсумида эса умуман «йўқолиб» қолди. Шу боис футболчини 1 мавсум «Сантос»га ижарага бериб юборишади. Ижара муддати тугагач эса 18 млн.фунт эвазига «Милан»га қўйиб юборишади. Бразилиялик футболчи Англиядаги 2 мавсуми мобайнида 16 та голга муаллифлик қилган эди.
2. Марио Балотелли - «Милан». 19 млн.фунт (2013-йил)
Орадан 3 йил ўтгач «Милан» «Сити»нинг яна бир ҳужумчисини ҳарид қилди. Марио оғир табиатли футболчи эди ва шу боис ҳам хар дойим бир хил тўп сура олмасди. Балотелли 3 йил ичида жамоа сафида 30 та гол киритди. 2013-йилда ҳаммани ажаблантирган ҳолда Миланнинг «Милан» клуби билан шартнома имзолайди.
1. Шон Райт-Филлипс - «Челси». 21 млн.фунт (2005-йил)
«Манчестер Сити» билан қуйи дивизиондан икки марта Премьер лигага чиққан футболчини 2005-йилда «Челси» 21 млн.фунт эвазига сотиб олади. Филлипс «шаҳрликлар» сафида 6 мавсум давомида 181 учрашувда 31 та гол киритишга муваффақ бўлган эди. Шон Лондонда ўзини кўрсатолмай 3 мавсумдан сўнг, яна Манчестерга қайтиб келишга мажбур бўлади.
Юсупов Фурқат
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
