Темур Олимхўжаев бошчилигидаги Ўзбекистон ўсмирлар терма жамоаси айни вақтда Дохада ўқув-йиғин машғулотларини олиб бормоқда.
Ушбу қисқа муддатлик йиғин давомида Ўзбекистон U-16 Қатар ўсмирлар терма жамоасига қарши иккита ўртоқлик учрашуви ўтказиш бўйича келишиб олишганди. Ушбу ўйинлардан дастлабкиси 2 сентябрь куни бўлиб ўтди ва унда Олимхўжаев шогирдлари йирик ҳисобда ғалаба қозонди — 4:1.
Ушбу учрашувда заҳирадан майдонга тушган Абдунозир Абдураҳмонов дублга эришган бўлса, Остон Ўрунов ва Бахромжон Соатов рақиб дарвозасига биттадан гол киритишга муваффақ бўлган.
Жамоалар 4 сентябрда яна бир ўзаро ўртоқлик учрашув ўтказишади.
Ўртоқлик учрашуви.
Ўзбекистон U-16 - Қатар U-16 4:1
Голлар: Остон Ўрунов, Бахромжон Соатов, Абдунозир Абдураҳмонов.
Ўзбекистон U-16 асосий таркиби: Хожиакабар Жўраев, Мардон Абдуллаев, Ихтиёр Холдоров, Ислом Каримов, Абубакр Мўйдинов, Остон Ўрунов, Бахромжон Соатов, Абдулхай Исмоилов, Расул Йўлдошев, Асадбек Собиржонов, Шухрат Нематов.
Матнда хатолик топсангиз, ўша хатони белгилаб, бизга жўнатинг (Ctrl + Enter).