Москвада ФИФАга аъзо мамлакатлардаги футбол тараққиёти индексини аниқлаш учун методология, методика ва модель яратиш мавзусида махсус тадбир бўлиб ўтди. Лойиҳани Г.В.Плеханов номидаги РЭУ (Россия экономика университути)нинг Спорт саноати менежменти ва маркетинги кафедраси тақдим этди. Хўш, бундай рейтинг тузишнинг моҳияти нима? Ундан қандай наф бор?
Футбол тараққиёти индексини аниқлаш учун асосан 3та йўналишдаги кўрсаткичлар ҳисобга олинган:
1. Спорт натижалари: миллий жамоаларнинг ФИФА рейтингидаги мав-қеи; ёшлар, ўсмирлар ва аёллар терма жамоалари ҳамда клубларнинг йирик халқаро турнирлардаги ютуқлари.
2. Футбол оммавийлиги: клублар сони; мухлисларнинг қизиқиши; олий дивизион ўйинларига мухлислар ташрифи.
3. Футбол тараққиёти учун шарт-шароит: мураббийлар сони; рўйхатдан ўтган футболчилар сони; уларнинг аҳолига нисбатан фоизи; халқаро мақомдаги ҳакамлар сони; футбол майдонларининг умумий сиғими; миллий футбол федерацияси қанотидаги терма жамоалар сони; аҳолининг турмуш даражаси; соғлиқни сақлаш ва таълим-тарбия ишлари; бизнес билан шуғулланиш имконияти; коррупцияга қарши кураш ва ҳоказо.
Тадқиқот лойиҳаси ФИФА таркибига кирувчи мамлакатлардаги футбол тараққиёти даражасини баҳолаб боришга йўналтирилган. Муаллифларнинг таъкидлашларича, миллий футбол федерациялари (ассоциациялари) ушбу моделга қараб, футбол тараққиёти бўйича дастурларни назорат қилишлари мумкин. Яъни оқсаётган йўналишларга эътиборни кучайтириб, барчасини талаб даражасида йўлга қўйиш имконияти бор. Тахмин қилинишича, FDI (футбол тараққиёти индекси) рейтинги ҳар йили янгиланади. Навбатдаги рейтингни шакллантиришда яна бир қатор янги жиҳатлар ҳам эътиборга олинади. Булар - мамлакатда футбол анжомлари савдосининг ҳажми, медиа ишлари, футбол академиялари ва футбол тараққиёти марказлари сони. Тадқиқотнинг асосий мақсади футбол бошқаруви тузилмасида эффектли ҳаракатларни оширишдир. Тадқиқотчиларнинг айтишларича, лойиҳа яқин орада ФИФА раҳбариятига тақдим этилади ва келажакда халқаро даражада янада мукаммаллаштирилиши эҳтимоли катта.
1. Германия 6 8 69 83
2. Франция 24 62 62,5 148,5
3. Голландия 35 43 75,5 153,5
4. Англия 31 36 99 166
5. Италия 24 48 116,5 188,5
6. Бразилия 11 68 149 228
7. Бельгия 59 89 85 233
8. Испания 13 79 146,5 238,5
9. Аргентина 13 98 152,5 263,5
10. Чили 47 60 177 284
11. АҚШ 73 53 161 287
12. Швеция 112 65 129,5 306,5
13. Австрия 112 77 145 334
14. Чехия 73 83 192 348
15. Дания 115 81 173,5 369,5
16. Польша 131 128 123 382
17. Швейцария 61 99 224,5 384,5
18. Португалия 24 136 234 394
19. Мексика 45 115 236 396
20. Россия 63 154 187,5 404,5
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
