16 ёшгача бўлган футболчилар ўратсидаги Осиё чемпионати саралаш босқичи доирасида Ўзбекистон ўсмирлар терма жамоаси ўзининг дастлабки учрашувини ўтказди.
Саралаш босқичини “А” гуруҳида ўтказаётган Темур Олихўжаев жамоаси Фаластиннинг Ар-Рам шаҳридаги “Файсал ал-Ҳусайни” стадионида Мальдив оролларига қарши майдонга чиқди.
Ўйиннинг дастлабки бўлимида Ўзбекистон U16 кўплаб вазиятлар яратганига қарамай, фақатгина биргина гол билан кифояланди. Расул Йўлдошев учрашувнинг 12-дақиқасида узоқ масофадан зарба бериб, Аҳмад Нишам қўриқлаётган Мальдив дарвозасини ишғол қилди.
Иккинчи бўлимда эса ўзбекистонликлар вазиятлардан фойдаланишда анча самаралироқ ҳаракат қилди ва ўйин якунида таблода 8:0 ҳисоби намойиш қилинишини таъминлади. 50-дақиқада дастлабки гол муаллифи Расул Йўлдошев яна бир чиройли зарба билан ҳисобдаги фарқни катталаштирди. Ўн дақиқа ўтиб, заҳирадан майдонга тушган Абдунозир Абдураҳмонов ҳисобни янада йириклаштирди. 62-дақиқада Ислом Каримов жарима майдони ташқарисидан ажойиб зарба билан яна ҳисобнинг ўзгаришига сабабчи бўлди. 71-дақиқада Расул Йўлдошев ўз хет-тригини нишонлади. Абдунозир Абдурағмонов орадан уч дақиқа ўтиб навбатдаги голга муаллифлик қилди. Жамоа сардори Абубакр Мўйдинов ҳам ўз ҳисобига бир гол ёзиб қўйгач, Абдураҳмонов яна бир гол уриб, ўйинда хет-трикка эришган иккинчи футболчи бўлди.
Гуруҳдаги иккинчи ўйинда Яман ўсмирлар терма жамоаси Фаластинни 2:0 ҳисобида мағлуб этди.
Биринчи турдан сўнг Ўзбекистон ўсмирлар терма жамоаси “А” гуруҳида етакчилик қилмоқда. Ўзбекистон ўсмирлар терма жамоасининг кейинги учрашуви 18 сентябрь куни Тошкент вақти билан 19:00да Фаластинга қарши бўлиб ўтади.
U-16 Осиё чемпионати саралаши.
“А” гуруҳи, 1-тур.
Ўзбекистон – Мальдив 8:0
Голлар: Расул Йўлдошев (12, 50, 71), Абдунозир Абдураҳмонов (60, 74, 86), Ислом Каримов (62), Абубакр Мўйдинов (83)
Ўзбекистон U-16: 1. Хожиакбар Жўраев, 2. Мардон Абдуллаев, 3. Ислом Каримов, 4. Ихтиёр Холдоров, 5. Абубакр Мўйдинов, 6. Остон Ўрунов, 7. Абдулҳай Исмоилов, 8. Шухрат Неъматов (33. Иброҳим Ғанихонов – 29 (32. Абдураҳмонов Абдунозир – 53)), 10. Собиржонов Асадбек (9. Баҳромжон Соатов - 73), 23. Расул Йўлдошов 50. Бурхон Ҳасанов
Мальдив U-16: 1. Аҳмад Нишам, 2. Аҳмад Ашам Адам, 3. Вааил Али Ҳасан (4. Иян Аҳмад Рашид - 75), 8. Адам Яниш Одил, 9. Муҳаммад Яздан Ҳусайн (26. Муҳаммад Солиҳ – 67), 10. Аҳмад Фирош, 13. Наби Муаҳмад, 16. Муҳаммад Анаф Шариф, 17. Муҳаммад Азан Ҳамид, 19. Али Шайбон Муҳаммад, 20. Ришвон Исмоил (23. Имкон Иброҳим - 54)
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
