Александр Хомяков: "Бугун ҳеч нарсани уддалай олмадик"
Бугун бўлиб ўтган "Машъал" - "Сўғдиёна" (0:0) учрашувидан сўнг ташкил этилган матбуот анжуманининг иккинчи қисмида мезбонлар бош мураббийи Александр Хомяков иштирок этди ва саволларга жавоб қайтарди.
"Бугун ҳеч нарсани уддалай олмадик. Ҳужумларимизда фаоллик ва ташаввузкорлик етишмади. Шу боис олдинги чизиқда ҳеч нарса қила олмадик. Жамоамизда ўзи бутун учрашув давомида бир, иккита имконият бўлди. Шунга қарамай дарвозамиз дахлсизлигини ҳам сақлаб қолдик. Биз ўзи биринчи марта дарвозамизни сақлаб қолдик. Олдинги барча учрашувларда гол ўтказиб қўйган эдик. Ҳар доим майдонимизда биринчи 30 дақиқаликда гол ўтказдик. Кўрсатган ўйинимиз борасида бирон фикр айтишим ҳам қийин" , - дейди Александр Хомяков.
"Ҳар доим нима учун бундай вазиятлардан чиқиб кета олмаётганимизни ўйламоқдамиз. Бу натижалардан сўнг турнир жадвалида кўтарилишимиз ҳам қийин бўлмоқда. "Қўқон-1912" ва бугунги бўлган ўйин бир хил кўриниш олди. Ягона фарқи Қўқондаги ўйинда ҳужумга интилиш истаги кўп эди. Бугун буни кўрмадим"
"Мирзоҳид Ғофуров Қўқондаги учрашувда жароҳат олган эди. Биз ҳам Мирзоҳидни тезкор жароҳатдан қутилишини истамоқдамиз. "Бухоро" билан ўйинга ҳали бир ҳафта бор ва бу ўйин ҳақида ўйиндан сўнг айтишим мумкин. Бухорода кучли хохиш билан ҳужумда ўйнаймиз. Қарши ҳужумда охирги нуқтани ҳужумчи қўяди. Зоҳир бу йилга қараганда ўтган йили яхшироқ ўйин кўрсатган эди. У ҳам жуда узоқ муддатдан буён майдонни голсиз тарк этмоқда"
Манба: fcmashal.uz
Киритилди: 23:49, 18.09.2015. Ўқилди: 1808 марта. Фикрлар: 2 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар