ТОП-10. «Интер» тўпурарлари
Furkat.uz сайти гранд жамоаларнинг энг яхши тўпурарлари туркумидаги мақолаларни сизга тақдим этишда давом этади. Бу сафар Миланнинг «Интер» клуби тархидаги тўпурарлар ТОП-10 талиги ҳақида тўхталиб ўтамиз.
10. Марио Корсо – 94 гол
Корсо «Нерадзуррилар» таркибида 1958-1973 йилларда тўп суриб, 94 марта рақиб посбонларини хафа қилган. Марио «Интер» билан 8 та турнирда ғолиблик нашидасини сурди. 1964 ва 1965 йилларда кетма-кет икки мавсум Чемпионлар лигасида ҳам зафар қучган.
9. Эрманмо Аеби – 106 гол
Италиялик ҳужумчи клуб тузилган пайлари жамоада ҳаракат қилган. Яъни Аеби «Интер»да 106 та гол киритган. Эрманмо 1910 йилда Италия чемпионати олтин медалларига сазовор бўлган.
8. Кристиан Вьери – 123 гол
Вери «Интер»да 1999-2005 йилларда 123 та голга муаллифлик қилган. Кристиан «А» серия баҳсларида 100 тадан ортиқ гол киритган футболчилардан биридир. Ҳужумчи 6 йил ичида жамоада фақатгина битта соврин қўлга киритди. У ҳам бўлса Италия кубокидир. Бироқ шахсий совринлар борасида яхшигина натижа қайд этди. Италия чемпионати тўпурари, 2 бора Италиянинг энг яхши футболчиси, «А» сериянинг энг яхши футболчиси…
7. Истван Нйерс – 133 гол
Сербияда туғилиб, Венгрия термаси учун тўп сурган Нйерс Италияда муваффақият қозонди. У «Интер»да 1948-1954 йиллар ичида 133 та гол киритишга муваффақ бўлган. Истван барча голларини чемпионат баҳсларида киритганлиги ҳам диққатга сазовор натижадир. Ҳужумчи клуб билан 2 бора «А» серия чемпиони деган шарафли номга сазовор бўлди.
6. Бенито Лоренци – 143 гол
Нйерс билан ҳужумда ажойиб дуэт ҳосил қилган футболчи бу Лоренцидир. У «Интер» шарафини 1947-1958 йилларда ҳимоя қилиб, 143 та тўп киритган. Бенито ҳам голларини деярли чемпионат баҳсларида киритган. Яъни унинг 138 голи «А» серияга тўғри келади. У ҳам Нйерс каби 2 марта чемпионлик шохсупасига кўтарилган.
5. Луижи Кевенини – 158 гол
Кевенини 1912-1915 йилларда «Интер» учун 55 учрашувда 63 та гол киритади. Фантастика! Шундан сўнг у «Милан»да бир мавсум ўйнаб қайтади ва 1919-1921 йилларда «Нерадзуррилар» учун 40 ўйинда 54 гол киритди. Олдингидан ҳам дахшатли натижа! Луижи 1922-1927 йиллар давомида Миланликлар сафида 94 баҳсда 41 гол киритди ва «Интер»нинг ўша пайтлардаги мутлоқ тўпурарига айланди.
4. Сандро Маццола – 160 гол
Маццола бутун фаолиятини «Интер»да ўтказди. Сандро клуб учун рақиблар дарвозасини 160 марта ишғол қилишга муваффақ бўлган. У 1960-1977 йиллар давомида жамоа билан 2 бора Чемпионлар кубогида зафар қучади.
3. Роберто Бонинсегна – 171 гол
1969-1976 йилларда «Интер»да Маццолага ҳужумда шерик бўлган Бонинсегна 171 та голга муаллифлик қилган. Роберто голларининг 22 тасини Еврокубокларда киритган. У жамоа билан фақатгина бир марта мамлакат чемпионлигини қўлга киритган холос.
2. Алессандро Алтобелли – 209 гол
Бонинсегна кетганидан сўнг «Интер»да Алтобелли пайдо бўлди ва унга муносиб ўринбосар бўла олди. Алессандро 1077-1988 йиллар оралиғида 209 марта рақиблари дарвозаларига гол киритган. У жамоанинг Италия кубоги ва Еврокубоклардаги мутлоқ тўпурари ҳисобланади. Алтобелли клуб билан 3 та мусобақада олтин медалларни қўлга киритган.
1. Жузеппе Меацца – 284 гол
«Интер» тарихидаги мутлоқ тўпурар Меаццадир. Шу боис ҳам Миландаги «Сан-Сиро» стадиони унинг номига қўйилган. Жузеппе 1927-1940 ва 1946-1947 йиллар оралиғида «Нерадзуррилар» сафида 284 та гол киритишни уддасидан чиққан. У чемпионат баҳсларида 247 марта рақибларини ранжитган. Меацца 3 карра мамлакат чемпионлини қўлга киритди.
Юсупов Фурқат
Манба: www.Furkat.uz
Киритилди: 22:55, 20.09.2015. Ўқилди: 5710 марта. Фикрлар: 2 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
