Чемпионлар лигасининг "G" гуруҳида ҳам бугун иккинчи тур учрашувлари бўлиб ўтади.
Португалияда "Порту" Лондоннинг "Челси" жамоасини қабул қилади. Мазкур беллашувнинг аҳамияти катта. Зеро меҳмонлар устози Жозе Моуриньо яна ватанига, бунинг устига "Драгао"га қайтмоқда. У собиқ жамоасини мағлуб этиш учун бор билим ва маҳоратини ишга солишига шубҳа йўқ. Зеро АПЛдаги кетма-кет омадсиз ўйинлардан сўнг унинг курсиси анча қимирлаб қолди.
Ушбу клублар бугунга қадар Чемпионлар лигасида 6 марта рақиб бўлишган. "Челси" 4 марта, "Порту" бир бора ғалаба қозонган бўлса, яна бир баҳсда дуранг натижа қайд этилган. Эътиборли жиҳати Лондонликлар охирги 3 ўйинни ўз фойдаларига ҳал қилишган.
Қуйида жамоаларнинг барча ўйинлари ҳақида билиб олишингиз мумкин.
Челси – Порту 3:1. ЧЛ-2004/05. Гуруҳ босқичи.
Порту – Челси 2:1. ЧЛ-2004/05. Гуруҳ босқичи.
Порту – Челси 1:1. ЧЛ-2006/07. 1/8 финал.
Челси – Порту 2:1. ЧЛ-2006/07. 1/8 финал.
Челси – Порту 1:0. ЧЛ-2009/10. Гуруҳ босқичи.
Порту – Челси 0:1. ЧЛ-2009/10. Гуруҳ босқичи.
Матнда хатолик топсангиз, ўша хатони белгилаб, бизга жўнатинг (Ctrl + Enter).