Рўзиқул Бердиев: «Ушбу мавсумда асосий эътиборни Кубокка қаратгандик»
Ўзбекистон кубоги финал учрашувидан кейин "Насаф" бош мураббийи Рўзиқул Бердиев ўз фикрлари билан ўртоқлашди.
— Биз тарихий ғалабага эришдик. Бизга ишонган ва бизни қўллаб-қувватлаган мухлисларнинг барчасини ушбу ғалаба билан табриклайман. Ўйин ҳақида тўхталадиган бўлсам, бугун ўйин борасида рақибга нисбатан бироз бўлса-да устунликка эришдик ва ҳақли равишда ғалабани қўлга киритдик. Бу "Насаф" учун катта ютуқ. Бу совринни биз узоқ вақтдан бери кутаётган эдик. Ғалабадан жуда ҳам хурсандмиз.
— Ўзбекистон кубогидаги ғалаба "Насаф"ни чемпионатда яхши иштирок этишига туртки бўлса керак?
— Айни дақиқаларда биз Кубокдаги ғалаба кайфиятидамиз. Чемпионатнинг қолган ўйинларида ҳам яхши иштирок этишга ҳаракат қиламиз. Чемпионатда камида ўтган йилги натижани такрорлаб, 3-ўринни эгаллашга ҳаракат қиламиз. 1 ва 2-ўринларда бораётган "Пахтакор" ва "Локомотив" жамоалари биздан бироз олдинга ўтиб олишган. Шу боис янада юқорига кўтарилиш қийинроқ бўлади.
— Кубок финалининг нейтрал майдонда ўтказилганига муносабатингиз?
— Биз учун учрашувнинг қайси стадионда ўтказилишининг фарқи йўқ эди. Баҳсга яхши тайёргарлик кўрдик. Ўйиннинг нейтрал майдонда ўтказилиши тўғри қарор. Юртимизда кўплаб янги стадионларда қурилди. Ушбу стадионларда Кубок финалини ташкил қилиб, мухлисларга байрам кайфиятини бериш — яхши иш. Бу қарорни қўллаб-қувватлайман.
— Иккинчи даврада "Насаф"нинг захира ўриндиғи анча заифлашиб қолганди. Клуб ОЧЛда иштирок этиши муносабати билан таркиб кучайтириладими?
— Бу масалада клуб раҳбарияти билан гаплашамиз. Бизга савияли футболчилар кераклиги ушбу мавсум давомида сезилиб турди. Раҳбарият билан суҳбатлашганиимиздан кейин тайёргарликни шунга қараб олиб борамиз.
— Бугунги қайси дақиқадан бошлаб жамоангизнинг ғалабасига ишона бошладингиз: Акром Комилов майдондан четлатилган пайтдами ёки Геворкяннинг голидан кейинми?
— Иккинчи бўлимни фаол бошлаганимиздан кейин бугун ғалаба қозонишимизга ишона бошлагандим. Комилов четлатилишидан аввал Баҳром Абдураҳимов жуда яхши зарба йўллаганди, аммо Зухуров бу зарбани қайтарди. Айнан шу вазиятдан кейин ташаббус тўлиқ биз томонга ўтди. Шунда ғалабага ишончим ортиб борди.
— Ўйин Тошкентда бўлганида ҳам жамоа ғалаба қозонган бўлардими?
— Айтиб ўтганимдек, бизга ўйиннинг қаерда бўлишини аҳамияти йўқ эди. Боиси, биз ушбу мавсумда асосий эътиборни Кубокка қаратгандик. Ҳар қандай ҳолатда ғалаба учун ҳаракат қилардик. Учрашувнинг Жиззахда ўтказилгани балки бизга қулайлик туғдиргандир, аммо бу стадион "Бунёдкор"га ноқулайлик туғдирди деб ўйламайман. Ҳар иккала жамоа бир хил ҳолатда эди. Ўн баллик тизимда майдоннинг ҳолатига 7 балл қўйса бўлади.
Манба: stadion.uz
Киритилди: 21:35, 17.10.2015. Ўқилди: 4455 марта. Фикрлар: 1 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
