Орадан 15 йил ўтди. Лео Месси “Барселона”га келганда 13 ёшда эди. Биз шу муносабат билан унинг фаолиятидаги 15та энг муҳим воқеаларни тақдим этамиз.
1. 2001 йилнинг февралида Месси “Барселона”нинг ёшлар жамоасида дебютини ўтказган. “Ebre Escola Esportiva”га қарши иккинчи ўйинда кичик болдир суягини синдириб олган эди. Уша пайтларда академияда Леодан ташқари Сеск ва Пикелар ҳам тарбияланар эди. Орадан 15 йил ўтган бўлса ҳам Сеск-Месси-Пике энг яқин дўстлар бўлиб қолишган.
2. 2003 йил 17 ноябр, 16 ёш 145 кунлигида, Франк Райкаард Мессини “Порту”га қарши ўртоқлик учрашувида майдонга туширади. Бу Мессининг “Барселона”даги дебюти эди.
3. Ушбу мавсумда, 2004 йил 11 мартда, Лео “Матаро”га қарши ўйинда “Барселона Б” жамоасида дебютини ўтказади.
4. Орадан 11 ой ўтиб, Estadi Olímpic Lluís Companys стадионида, 2004 йил 16 октябрда Месси “Эспаньол”га қарши учрашувда Ла Лигадаги дебютини ўтказади.
5. Ушбу мавсумнинг сўнгида, 2005 йил 1 майда, ёш аргентиналик “Альбасете”га қарши ўйинда асосий жамоадаги илк голини уради. Ушбу голга уша даврдаги каталонияликларнинг ҳақиқий етакчиси Роналдиньо ассистентлик қилган.
6. Ушбу йилнинг 24 июнида 18 ёшли Месси Гампер Кубогида “Ювентус”га қарши ўйинда ўзининг ажойиб ўйинлари билан матбуотнинг назарига тушади.
7. 2007 йилнинг 10 мартида, 19 ёшида Лео ўзининг клубдаги илк хет-рикгини уради. Бу голлар алоҳида аҳамиятга эга эди, чунки бу хет-рик Камп Ноудаги Эль Класикода “Реал Мадрид” дарвозасига урилган эди. Бу голлар эвазига ўйин 3:3 ҳисоби билан якунланади. Ушанда Мессининг ўйинидан ҳайратга тушган Рауль: бу голлар Леони ҳақиқий буюк ўйинчига айлантиради, — деган эди.
8. 2009 йилнинг 27 майида Месси Чемпионлар Лигаси финалида илк ғалабасини қўлга киритади. Лео ушбу ўйинда Ван Дер Сар дарвозасига Хави узатмасидан сўнг фаолиятидаги энг машҳур голларидан бирини киритади.
9. 2009 йилнинг 19 декабрида Клублар ўртасидаги жаҳон чемпионати финалининг қўшимча бўлимларида урган голи эвазига “Барселона” ушбу мусобақадаги илк совринини қўлга киритади. Уша йили клуб 6та совринга эга чиқади.
10. 2012 йилнинг 2 ноябрида Лео ва унинг қиз уртоғи Антонелла ўзларининг биринчи фарзандлари Тьяго туғилганини эълон қилишади.
11. 2012 йилнинг 9 ноябрида Месси 86та голи билан бир йилда гол уриш бўйича Герд Мюллерни рекордини янгилайди (1972 йилда немис футболчиси 85та гол урган). 2012 йилнинг якунига кўра Месси 91та гол уради.
12. 2013 йилнинг 7 январида Месси тўртинчи “Олтин тўп”ини қўлга киритади. Бу натижаги ҳали ҳеч қайси футболчи эришмаган.
13. 2014 йилнинг ноябрида Месси “Севилья”га қарши ўйинда хет-рик уриб, Заррини 253та голли рекордини янгилаб Испания чемпионатининг энг яхши тўпурарига айланади.
14. Уч кун ўтиб “АПОЭЛ”га қарши ўйинда Месси ЕЧЛда гол уриш борасида Раулнинг рекордини янгилайди. Ўзининг хет-рикги билан 74та гол муаллифига айланади.
15. 2015 йилнинг 11 сентябрида Чемпионлар Лигасидаги 100-ўйинидан аввал Леонинг иккинчи ўғли Матео дунёга келди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
