“Манчестер Юнайтед” афсонаси Райан Гиггз яқинда футболчилик фаолиятини якунлаб, қисқа вақт “қизил иблислар” бош мураббийи бўлди. Айни пайтда у клубда Ван Гаалга ёрдамчилик қилаётганидан хабарингиз бор. Биз Уэлслик даҳо ҳақидаги энг сара фикрларни жамладик ва уни сизнинг эътиборингизга хавола этмоқчимиз.
Ли Жонсон (Райан Гиггзнинг отаси)
- Ўғлимни “Сити”дагилар ҳам синаб кўришган. Мен улар ҳузурига бориб сўрадим: “Сизлар Райанга яхши имконият бердингиз. Бироқ “Юнайтед” вакиллари унинг мактаб формасига кетадиган ҳаражатларни ҳам ўз зиммаларига олишмоқчи. Сизлар ҳам шундай қила оласизларми? Улар “Йўқ”, деб жавоб беришди. Бу тарихий хато эди.
Эрик Харрисон (“Манчестер Юнайтед” ёшлар жамоасининг собиқ мураббийи)
- Гиггздек нафис ҳаракат қиладиган футболчини шу пайтгача учратмаганман. Кўпинча унга “Сени ёшлар жамоасидан ҳеч қаерга қўйиб юбормайман”, дея хазиллашардим. Аммо ўзим унинг тезроқ асосий таркибга киришини орзу қилардим. Ёшлик пайтларида Райан тўпни эгаллаб олгач, бор йўғи 2 та вариантдан фойдаланарди. 3-4 рақибини ортда қолдириб, тўпни жамоадошига оширар ёки дарвозага йўлларди. Вақтлар ўтиб унинг мияси оёқларига қараганда тезроқ ишлайдиган бўлди.
Браян Робсон (“Манчестер Юнайтед”нинг собиқ сардори)
- Ёдимда Гиггз “МЮ” таркибидаги дебютини нишонлаганидан кейин ёнимга келиб, клубдан шахсий машина сўрашини айтди. Бироқ мураббий хонасига киргач, 2 дақиқадан сўнг “босс”нинг шиддатли бақириғи эшитилди: “Токи ҳақиқий футболчига айланмас экансан, кўзимга кўринма! ” Бироқ уни илк бора кўрганимда 15 ёшли кўримсиз, озғин болакай рақибларини беписандлик билан алдаб ўтиб, тўпни дарвозага жойлаб қўйганида, унинг Худо берган иқтидор соҳиби эканлигига ишонч ҳосил қилганман.
Сэр Алекс Фергюсон (“Манчестер Юнайтед” собиқ бош мураббийи)
- Гиггз – мантиқнинг барча мезонларини инкор этадиган ноёб иқтидор соҳиби. Қайд этган натижаларига ҳеч ким эриша олмайди. Райан – ўта ғаройиб шахс! Ҳозирча унга бир нарса – сер унвони камлик қилаяпти. Мен ўйин қайдномасида “сэр Раян Гиггз” ёзуви пайдо бўлишини жуда истагандим.
Ли Жонсон (Райан Гиггзнинг отаси)
Ли Шарпнинг уйида уюштирилган машҳур базм ҳамон ёдимда. Ўшанда мураббийнинг тақиқлашига қарамасдан, ўғлим ўз жамоадоши билан кўнгилхушлик қилишга ахд қилганди. Табиийки, мен бу ҳақда Фергюсонга хабар бердим. Чунки ўғлимнинг интизомсизлик қилишига қарши эдим. Ўша оқшом сер Алекс Престонга нуфузли меҳмонлар билан учрашиш учун бориши лозим эди. Аммо у менинг “сигнал”имдан кейин сафардан воз кечиб, Шарпнинг уйига йўл олди. Табиийки, мураббий барча меҳмонларни қувиб юбориб, футболчилар таъзирини берганди”.
Кевин Ретклифф (Уэлс терма жамоаси ва “Эвертон” клуби собиқ сардори)
- Бир сафар ўйиндан кейин ТВга берган интервюимда шундай дедим: “Ҳеч бўлмаганда қачондир ўз фарзандларимга Райан Гиггз билан битта жамоада тўп сурганман, деб мақтанишга ҳақлиман! ” Сўзларим муболаға эмасди. Чунки Райаннинг буюк футболчига айланиши аниқ эди. Машғулот пайтида ундан узоқроқ бўлишга интилардим. Нимага? Чунки у билан сринтда беллашишдан чўчирдим. Аслида менинг тезлигим ҳам чакки эмасди. Бироқ фаолиятим охирлаб қолганди. Райан эса миллий терманинг ҳақиқий етакчисига айланган эди.
Девид Бекхем (“Манчестер Юнайтед” соби қ футболчиси)
- Гиггзда яхши мураббийнинг барча ҳислатлари бор. "Манчестер Юнайтед" ишқибозлари шунақа мураббий билан фахрланиб юришади. Қачон жамоани қабул қилиб олади, бунисининг аҳамияти йўқ. Беш йилдан кейинми ёки ўн йилдан кейин?
Луи ван Гаал (“Манчестер Юнайтед” бош мураббийи)
- Мен жамоадан кетгач, Раян Гиггз бош мураббий бўлиб қолишига умид қилмоқдаман. Мен масъулиятни ҳис қила оламан. Гиггз ёрдамчи мураббий сифатида барча вазифани яхши бажармоқда. Бу эса менга катта ёрдам беради.
Фурқат Юсупов
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
