Англия Премьер лигаси ҳар доим ўзининг унитилмас ва қизиқарлилиги билан ажралиб туради. Чемпионатда ҳар йили сюрприз жамоалар пайдо бўлади. Бу гал ҳам мана шу анъана давом этмоқда. Премьер лиганинг навбатдаги қаҳрамони – “Вест Ҳем”.
Чемпионат стартини “Арсенал”га қарши ўйин билан бошлаган Славен Билич шогирдлари дастлабки 3 очкони айнан “тўпчилар”га қарши баҳсда қўлга киритишди. Биринчи учрашувда мусобақа фаваритидан меҳмонда ғалаба қозониш, албатта, ёқимли. Мазкур муваффақият “Вест Ҳем”ни илҳомлантирган бўлса, ажаб эмас.
Навбатдаги тўсиқ - “Ливерпуль”. “Олд траффорд”да лондонликлар меҳмон бўлишларига қарамай, якунда ажойиб ғалабани қўлга киритди -3:0. Эътиборга молик томони, Славен Билич жамоаси 2-3 турларни уйда ўтказиб ҳар иккисида мағлубиятга учраган. Лекин сафарда “Ливерпуль” устидан йирик ҳисобдаги ғалабани тантана қилишни уддасидан чиқди. Мана буни ирода деса бўлади.
Кейинги сафар ўйинда “Манчестер Сити”га тўқнаш келди. Бу пайтга келиб шаҳарликлар 5 учрашувда 100 фоизлик натижа билан турнир жадвалида карвонбошилик қилаётганди ва Англия чемпионлиги учун асосий номзодга айланганди. Лекин “Вест Ҳем” “Манчестер Сити”нинг мағлубиятсиз сериасига ўша куни якун ясади. Қолаверса, ушбу муваффақият “Арсенал” ва “Ливерпуль”ни мағлубиятга учратгани тасодиф эмаслигини ва Славен Билич грандлар кушандаси номини олиши тўғри эканини тасдиқлади.
Кеча эса олдинги мавсумдаги фаварит, бу йил тобора чемпионат аутсайдерига айланиб бораётган “Челси”ни доғда қолдирди. Эътиборлиси, олдинги 3 та рақиб сафарда мағлуб этилганди. Жозе Моурьнио шогирдларини эса уйда қимматли очколардан мосуво қолдирилди - 2:1. Қолаверса, “Вест Ҳем” шу куни меҳмон жамоаси мақомига қайсидир маънода барҳам берди. Чунки лондонликлар очколарни асосан сафардаги ўйинларда қўлга киритаётгандилар.
Шу пайтга қадар Славен Билич шогирдлари 6 ғалабани ўз номларига расмийлаштириб қўйишганди. Ундан 4 таси грандлар бўлса, “Ньюкасл” ва “Кристал Пэлас” иккиталикни тўлдирди. Навбатдаги “кўзга кўринган” клублар “Тоттенхем” ва “Манчестер Юнайтед”. “Вест Ҳем” бу жамоалар билан ҳам сафарда куч синашади. Лондонликларнинг статистикасидан хулоса қиладиган бўлсак, балки кучлиларга қарши меҳмонда тўп тепиш мақбул вариантдир. Агар, “Вест Ҳем” “Тоттенҳем” ва “МЮ”дан 6 очко олса, у ҳолда ўз тарихида янги сахифа очади ва чемпионатнинг барча кучли клубларини ютган клубга айланади.
Кўрамиз бу фикрлар қанчалик ҳақиқатга айланаркин. Балки турнир жадвалидаги 3-ўрин Славен Билич шогирдлари учун энг баланд чўққидир?! Энг асосийси, сиз-у биз мана шундай футбол спектаклларидан баҳра олиб яшаётганимиздир.
Бекзод ИСАЕВ
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
