Ҳозирги кунда “Челси”нинг ишлари умуман юришмаяпти. Бунга кўп сабаблар бор. Энг асосийлари эса мураббий билан боғлиқ. Чунки натижага ҳар доим мураббий жавоб беради. Ғалаба жамоаники, мағлубият мураббийники. Бу футболнинг асосий тамойили.
Жозе Моуриньони лондонликлар тарихидаги энг яхши мураббий сифатида қадрлашади. Лекин бу мавсумда эмас. “Аристократлар” грандлар қаторига қўшилганларидан бери мазкур натижа энг ёмони. Асл сабабчиси Жозедир. Чунки португалиялик мутахассис бошқарувни қўлга олгандан кейин ҳозирги пайтда ўрни билинаётган футболчиларни ҳеч иккинланмай сотиб юборган. Энг қадрликлари эса Петр Чех, Давид Луиз, Фрэнк Лэмпарддир. Куртуа жароҳат олиб сафдан чиққач, “беназир” Чехнинг қадрини сеза бошлади.
Ҳимоя қўрғони дарс кетгач, Давид Луиздан келган фойда умуман кўзига кўринмади. Ярим ҳимоя ва ҳужумни боғлайдиган узоқ масофалардан зарбалар йўллайдиган Лэмпарднинг ўрни ҳақида гапирмаса ҳам бўлади. Ўтган йили Фрэнк “Манчестер Сити” таркибида “Челси”га гол урди. Лекин на хурсанд бўлишини билади, на ҳафа. Унинг дарвозани ишғол қилгандан кейинги ҳолатини кўрганлар кўз ёшларини зўрға тийиб турдилар. “Челси”даги кўп йиллик фаолиятидан кейин энди ўз жамоасига гол уриш буюклар учун жуда оғир.
Яна бир футболчи Кевин де Брюйне. Бу футболчини ўтган йили “Вольфсбург”даги ўйинларини кўрган Жозенинг тепа сочи тикка бўлган бўлса, ажабмас. Бу мавсумда "туманли албион"га кўчиб ўтган бельгиялик “Манчестер Сити”да янада очилмоқда. У буни ўйинлари орқали исботлаб келмоқда. Лукаку ҳам шулар жумласидан. Лукаку борасида битта статистикасини келтирамиз. Диего Коста, Педро, Реми ва Фалькао жами 4 гол уришган. Ромелу Лукакунинг бир ўзи 5 марта рақиблари дарвозасини ишғол қилган. Мазкур ҳолат Жозени икки хисса ўйлантираётган бўлиши мумкин. Чунки Фалькао ва Педро сотиб олинганидан кейин ҳамма “Челси”ни баландларга кўтариб юборганди. Амалда эса…
Энди эътиборингизга “Челси” бошқарувига Жозе Моуриньо келгандан кейин сафари қариган футболчилардан рамзий терма жамоани ҳавола этамиз.
Агар Давид Луиз ва Петр Чех бўлганида “Челси” бу даражада инқирозга юз тутмасмиди?! Яна ким билади? Футболда балки, агар сўзлари ноўрин. Бу борада олдинги мақолаларимизда ҳам айтиб ўтганмиз.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
