Олий лига
28-тур
“Нефтчи” – “Қўқон-1912” 0:1 (0:0)
Гол: Дониёр Усмонов – 68.
“Нефтчи: 30. Евгений Черемисин, 3. Шукурали Пўлатов, 7. Мансур Саидов, 9. Шерзод Ҳакимов (6. Бахтиёр Ёқубов – 7, Акмал Холматов – 72), 18. Жавоҳир Расулов (10. Мурод Бобожонов-61), 20. Дилёр Эрматов, 21. Муҳсин Убадуллаев, 22. Рўзимбой Аҳмедов, 27. Адриан Кашвакал, 38. Аббос Махситалиев, 44. Умид Қодиров.
Захира: 16. Абдумавлон Абдужалилов, 13. Зокир Нурматов, 26. Отабек Исроилов, 33. Сардор Раҳмонов.
“Қўқон-1912”: 16.Андрей Бакланов, 5. Жалил Кимсанов, 6. Баҳодир Акрамов, 10. Қувондиқ Рўзиев, 11. Дониёр Усмонов (22.Ориф Мамажонов-77), 18. Сардор Эминов (8. Нодир Қўзибоев-90), 24. Илья Ильин (23. Фурқат Ҳасанбоев). 28. Алексей Николаев, 29. Игорь Голбан, 49. Илҳом Комилов, 88. Суҳроб Қобилов.
Захира: 12. Азиз Ашуров. 3. Ҳасанбой Эргашев. 15. Маъруф Зокиржонов, 17. Азиз Тўхтабоев.
Вилоят дербиси мақомини олган ушбу учрашувга бўлган қизиқиш жуда баланд энди. Боиси сўнгги турларда ҳар икки жамоа ҳам ишончли ўйинлари орқали мухлисларнинг ишончини қозонишганди. Айниқса, “Қўқон-1912” жамоасининг иродали ўйини кўпчиликка манзур бўлганди. Шунинг учу бўлса керак, қўқонлик ишқибозлар севимли жамоаларидан чиройли ўйин кутишганди.
Бугун ҳам Игорь Голбан ҳужумчи сифатида майдонга тушди. Негаки жамоамиз етакчи ҳужумчилари Носир Отақўзиев ва Отабек Ҳайдаровлар ҳуқуқий жиҳатдан “Нефтчи”га тегишли бўлгани боис ўйинда иштирок эта олишмади.
Учрашувдаги голга тортадиган хавфли вазият 25-дақиқада вужудга келди. Аббос Махситалиевинг жарима майдончаси ёнидан берган зарбасини Бакланов қийинчилик билан қайтариб қолди.
38- дақиқа. Мансур Саидов Рўзимбой Аҳмедовни дарвозабон билан бирга-бир вазиятга олиб чиқди. Аммо Бакланов ўз маҳоратини намойиш этди.
Биринчи бўлим тенг курашлар остида ўтганига қарамай, таблодаги 0:0 ҳисоби ўзгаришсиз қолди.
Иккинчи бўлимда мезбонлар бошқача иштиёқ билан майдонга тушишди. Андрей Фёдоров шогирдлари илк дақиқалардан бошлаб ҳужумга зўр беришди. Ўз навбатида ҳимоячиларимиз орқа чизиқда ишончли ўйин кўрсатишди.
55- дақиқада Мансур Саидовнинг жаримадан ерлатиб берган зарбасини ҳимоячилар қайтариб қолишди.
68-дақиқада ҳисоб очилди. Дониёр Усмонов жарима майдончасига кириб бориб аниқ зарбаси билан Черемисинни доғда қолдирди – 0:1.
73-дақиқа .Акмал Холматов майдонга тушиши билан дарҳол жарима тўпини тепишга борди. Бироқ унинг зарбаси жонли деворга тегиб қайтди.
Шундай қилиб, жамоамиз Фарғонадан муҳим ғалаба билан қайтди ва очколаримиз сони 31 тага етди.
Мазкур ғалабдан кейин қўқонликлар тарихни янгилашди. Шу кунга қадар ўзаро ўйинларда “Қўқон-1912” жамоаси ғалаба қозона олмаётганди. Бугун ушбу анъанага барҳам берилди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Қўқон-1912
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
