Англия чемпионати 11-тур марказий учрашувида “Челси” азалий рақиби “Ливерпуль” билан ўз майдонида баҳс олиб борди. “Стэмфорд Бриж” стадионида ўтган ушбу беллашувда майдон эгалари 1:3 ҳисобида имкониятни бой беришди.
Учрашувнинг 4-дақиқасидаёқ майдон эгалари ҳисобни очишди. Сезар Аспиликуэтанинг чап қанотдан узатган тўпига Рамирес боши билан аниқ зарба йўллади ва ҳисобни очишга муваффақ бўлди. Биринчи бўлимнинг қўшиб берилган вақтининг сўнгги сонияларида Филиппе Коутиньо индивидуал маҳорати эвазига ҳисобни тенглаштирди.
Иккинчи бўлимда мерсисайдликлар фаолликни оширишди ва 74-дақиқада Коутиньо ўз ҳисобига дубль ёзиб қўйди. 83-дақиқада захирадан майдонга тушган Кристиан Бентеке ҳисобни 3:1 кўринишига олиб келди.
Шу тариқа, Юрген Клопп АПЛ доирасида биринчи ғалабага эришди ва очколар сонини 17 тага етказиб, турнир жадвалида 7-ўринга кўтарилди. 11 очко билан қолиб кетган "Челси" ҳамон 15 поғонада бормоқда.
АПЛ, 11-тур
“Челси” – “Ливерпуль” – 1:3
Голлар: Рамирес (4) – Коутиньо (45+2, 74), Бентеке (83)
Огоҳлантиришлар: Микел (67) – Коутиньо (24), Лукас (58), Жан (65)
“Челси”: Бегович, Зума, Кэйхилл, Терри, Аспиликуэта (Фалькао, 76), Микел (Фабрегас, 70), Рамирес, Виллиан, Оскар, Азар (Кенеди, 58), Коста.
“Ливерпуль”: Миньоле, Клайн, Шкртел, Сако, Морено, Лукас, Жан, Милнер (Бентеке, 64), Коутиньо, Лаллана (Ловрен, 90), Фирмино (Айб, 76)
Матнда хатолик топсангиз, ўша хатони белгилаб, бизга жўнатинг (Ctrl + Enter).