Футбол бўйича Италия А сериясининг навбатдаги 11-тур баҳслари Турин дербиси билан бошланди. Майдонда шаҳарнинг кучли икки жамоаси — “Ювентус” ва “Торино” бир-бирларини синаб кўришди.
Учрашувнинг 19-дақиқасига келиб ҳисоб очилди. Погбанинг урган голи ҳисобига “Ювентус” олдинга чиқиб олди. Аммо 51-дақиқада “Торино” ўйинчиси Бовонинг аниқ зарбаси эвазига ҳисоб тенглашди — 1:1.
Жамоалар шу тариқа 93-дақиқага қадар тўп суришди. Айнан шу дақиқада “Ювентус”га зарур бўлган ғалаба тўпини Куадрода киритди. Учрашув 2:1 ҳисобида “Ювентус” ғалабаси билан ниҳоясига етди.
Айни пайтда “Ювентус” 15 очко билан 10-ўринни, шунча очкого эга “Торино” эса 11-ўринни эгалламоқда.
Италия А серияси. 11-тур
Ювентус – Торино – 2:1
Голлар: Погба, 19 (1:0); Бово, 51 (1:1); Куадрадо, 90+3 (2:1).
Турнинг яна бир қизиқарли кечган учрашуви “Интер” ва “Рома” жамоалари ўртасида бўлди. Шиддатли кечган баҳсда кичик ҳисоб қайд этилди. Меделнинг 31-дақиқада киритган тўпи учрашувда ягона гол бўлиб қолди ва “Интер”га навбатдаги очколарни тақдим этди. Умумий ҳисоб — 1:0 “Интер” ғалабаси билан якунланди.
Учрашувнинг 73-дақиқасида Пьяничнинг ўйиндан четлатилиши ҳисобига ромаликлар ўйиннинг охиригача камчилик бўлиб ҳаракат қилишга мажбур бўлдилар.
“Интер” шу ғалабаси эвазига 24 очко тўплаган ҳолда чемпионат пешқадамига айланди, “Рома” эса 23 очко билан 2-ўринга тушиб кетди.
Интер – Рома – 1:0
Голлар: Медель, 31 (1:0).
Четлатиш: Пьянич, 73 (Рома).
Матнда хатолик топсангиз, ўша хатони белгилаб, бизга жўнатинг (Ctrl + Enter).