Олий лиганинг 29-турида "Пахтакор" Қаршида "Насаф" меҳмони бўлади.
Рўзиқул Бердиев шогирдлари жорий мавсум Ўзбекистон Кубогини қўлга киритишди ва чемпионатда бронза медалларини ўзиники қилиб олишди. Жамоамизга мазкур баҳсда ғалаба олтин медаллар учун курашда ҳолатни ўз қўлида сақлаб қолиш учун жуда муҳим.
Олий лигада жамоалар 37 бор тўқнаш келган. Шулардан 21тасида "шерлар" ғолиб бўлишган, 9 ўйинда ғолиб аниқланмаган. "Насаф" ҳозирга қадар 7 марта зафар қучган. Тўплар нисбати "Пахтакор" фойдасига - 54:28.
Қаршида бу жамоалар ўртасидаги ўйинларнинг 5тасида "Пахтакор" зафар қучган. Етти баҳсда дуранг қайд этилган. "Насаф" эса 6 бор ғалабани тантана қилган.
Биринчи даврада Тошкентда ўтган баҳсда Аднан Ораховац ва Игорь Сергеев (иккита) томонидан урилган голлар "Пахтакор"га ғалаба келтирган. Илҳом Шомуродов жавоб голини урган - 3:1.
"Насаф" ва "Пахтакор" жамоалари ўртасидаги учрашув 4 ноябрь, чоршанба куни Қаршидаги "Насаф" стадионида соат 14:00да бошланади. Беллашувни Равшан Эрматов бошчилигидаги ҳакамлар гуруҳи бошқариб боради. Мухлисларимизни мазкур муҳим беллашувда жамоамизни стадионда қўллаб-қувватлашга чақирамиз.
"НАСАФ" - "ПАХТАКОР"
Ҳакамлар: Равшан Эрматов (Тошкент), Абдулҳамид Расулов (Тошкент), Жаҳонгир Саидов (Тошкент), Игорь Гармашов (Тошкент).
Назоратчи: Булат Галеев (Урганч).
Матнда хатолик топсангиз, ўша хатони белгилаб, бизга жўнатинг (Ctrl + Enter).