Бугун 4 ноябрь чоршанба куни “Насаф” ўз майдонида “Пахтакор” жамоасини қабул қилади. Ушбу ўйин атрофидаги гап-сўз ва миш-мишлар шу кунларда авжига чиқди.
“Насаф” жамоаси Ўзбекистон Кубогини қўлга киритганидан сўнг мухлисларнинг жамоага бўлган ишончи ҳаддан зиёд ошиб кетди. Улар энди бу йилги мавсумда жамоанинг чемпионликни ҳам қўлга киритишини чамалаб қолишди. Афсуски, ушбу тарихий ютуқ қўлга киритилдию, гўёки “Насаф”нинг иштиёқи ҳам сўнди. Ўзбекистон Кубоги финалидан кейинги ўйинларда мухлислар ҳоҳиши пучга айланди. Гарчи Жиззахда “Сўғдиёна” сўнгги дақиқаларда мағлуб этилган бўлсада, сўнгги иккита ўйинда кетма-кет очко йўқотилди.
Энди навбатдаги “Пахтакор”га қарши ўйиндан олдин ғаройиб миш-мишлар қулоққа чалина бошланди: нима эмиш -“Насаф” “Пахтакор”га ютқазар эмиш. Бунга сабаб, мухлисларнинг ўз севикликларига нисбатан бироз ишончлари пасайганидан ҳам дарак беради.
Агар шундай бўлса, нима бўлади? Албатта ҳеч қандай фожеа юз бермйди. Аммо… аммо бу ҳолатда бир нарса содир бўлиши аниқ. Нима содир бўлиши мумкин дейсизми? “Насаф”нинг мавсум буйича йиққан обрўйи деймизми ёки ўз мухлисларининг ўзига бўлган ишончига путур кетиши аниқ.
Шундай экан, бугунги ўйинда “Насаф” жамоаси бор кучи билан ҳужумкор ўйин кўрсатиб, воҳа футбол ишқибозлари кўз ўнгида “Насаф” қанақа жамоа эканлигини кўрсатиб қўйиши талаб этилади. Бунга “Насаф”нинг саоҳияти ҳам кучи ҳам етарли. Фақат ҳоҳиш ва ҳаракат бўлса бўлди. Қолаверса, севимли жамоамиз қаторасига 9 йилдан буён чемпионат доирасида “Пахтакор”ни мағлуб эта олмай келмоқда. Рўзиқул Бердиевга бўлган ишончимиз чексиз. У шу пайтгача жамоада ишлаган Виктор Борисов, Баҳром Ҳакимов, Анатолий Демьяненко, Виктор Кумиков эплай олмаган ишни амаллади- Ўзбекистон кубоги финалида ғалаба қозонди. Бердиев энди ўзидан олдин ишлаган мураббийлар Тошев, Кумиков ва Демяненко уддалай олмаган ишни амалга ошириши шарт. Топдингиз, бу мураббийлар қўл остида “Насаф” “Пахтакор”ни мағлуб ютолмай келмоқда. Гарчи “Насаф”нинг чемпионатдаги ўрни аллақачон маълум бўлиб улгурган бўлсада, принципиал рақибни Қаршида таслим этилишини мухлислар салкам 10 йилдан буён кутишмоқда.
Бугунги ўйинда ғалаба қозонишни футболчиларнинг ўзлари ҳам ич-ичларидан хоҳлаётганларига шубҳа йўқ. Шу сабаб барча футбол ишқибозларини “Насаф” – “Пахтакор” учрашувига таклиф этиб қоламиз. Ўйин соат 14:00 да бошланиши белгиланган.
Шундай экан миш-мишлар асослими, йўқми буни бугунги учрашувдан кейин билиб оламиз.
Ренат Эрназаров
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
