2026 йилнинг ёзида “Реал”га қайтиши муҳокама қилинаётган Жозе Моуриньо, агар жамоа бош мураббийи этиб тайинланса, клубни тарк этадиган футболчилар рўйхатини шакллантириб бўлган. Ҳозирда “Бенфика”ни бошқараётган португалиялик мутахассис жамоага “жанговар руҳ”ни қайтариш учун таркибни тубдан янгиламоқчи.
El Nacional нашри берган маълумотга кўра, “қисқартириш”га ҳам фахрийлар, ҳам умидларни оқлай олмаган футболчилар тушади:
Давид Алаба ва Дани Карвахаль: Ҳар икки ҳимоячининг шартномаси 2026 йил 30 июнгача амал қилади. Клуб уларнинг ёши, юқори маоши ва жароҳатларга мойиллиги сабабли келишувни узайтирмасликка қарор қилган.
Эдуарду Камавинга: Франциялик футболчи ўсишдан тўхтаб қолгани билан мураббийлар штабини ранжитган. Клуб унинг бозор қиймати юқорилигида сотиб юборишга тайёр.
Дани Себальос ва Фран Гарсия: Бу футболчилар асосий таркибдан мустаҳкам ўрин эгаллай олмади ва Моуриньо уларни ўз лойиҳасига китимайди.
Браҳим Диас: Айрим ёрқин ўйинларига қарамай, у барқарор эмаслиги учун танқид қилинмоқда. Августда Диас 27 ёшга тўлади ва у энди истиқболли актив ҳисобланмайди.
Гонсало Гарсия: Ёш иқтидор етарли ўйин амалиётига эга бўлмади ва катта эҳтимол билан ўз ўрнини жамоага қайтаётган Эндрикка бўшатиб беради.
“Реал” президенти Флорентино Перес совринсиз ўтган икки мавсумдан сўнг Альваро Арбелоанинг ўрнига Моуриньони асосий номзод сифатида кўрмоқда. Жозенинг “Бенфика” билан шартномасида 3–6 миллион евро атрофидаги товон пули кўрсатилган бўлиб, у май ойида фаоллаштирилиши мумкин. Мураббийнинг ўзи ҳозирча Португалия клуби олдидаги мажбуриятларини рўкач қилиб, алоқаларни расман рад этмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).