Ўзбекистон миллий терма жамоаси Самвел Бабаян қўлостида кетма-кет бешинчи ғалабани қўлга киритди. Бу сафар терма жамоамиз нейтрал мамлакат — Қатарда ўтказилган ЖЧ-2018 саралаш баҳсида Яманни мағлуб этишга муваффақ бўлди.
Яманликлар гуруҳимизда аутсайдер бўлиб туришган бўлсалар-да, футболчиларимиз ўйин бошида асло хотиржамликка берилишмади. Улар илк дақиқалардан рақиб дарвозаси томон босим уюштириб, тезкор гол уришга муваффақ бўлишди. Аҳмедов жарима майдончаси чап томонидан ярим айлана устига узатма берди. Ҳайдаров тўпни эгаллаб, зарба берди. Аммо зарба унчалик муваффақиятли чиқмади. Шунга қарамай, Бабаян мақтаган Яман посбони Муҳаммад Али Айяш тўпни қайтара олмади. Сергеевнинг тўпга сакраши уни чалғитди шекилли, дарвозабон тўпни оёқлари орасидан ўтказиб юборди.
Терма жамоамиз голдан кейин босимни давом эттирди. Ўйиннинг 30-дақиқасида қарши ҳужумда Андреев тўпни ҳимоядан олиб чиқди ва Одилга етказди. Жепаров жарима майдончаси ярим айланасида ичида Аҳмедовдан узатмани қабул қилди ва айланма зарба билан дарвозани ишғол қилди.
Иккинчи бўлим бошида ҳисобни йирик кўринишга келтирдик. Қарши ҳужумда Аҳмедов жарима майдончасига ҳаволатиб узатма берди. Андреев 11 метрли нуқта атрофида бош билан зарба бериб, Яман посбонини доғда қолдирди. Терма жамоамиз сардори бугунги 3та голларга ассистентлик қилгани эътиборга молик.
Ҳисоб йирик кўринишга келганидан кейин терма жамоамиз таркибида ўзгаришлар бўлди, футболчиларимиз бироз хотиржамликка берилишди ва бироз ўйин интизомига путур етди. Тўғри, яна бир нечта гол уришимиз мумкин эди, аммо ҳимояда охиригича ўйнамадик. Икки-уч марта рақиб футболчиларини ўтказиб юбордик. Лобанов икки марта жамоамизни голдан қутқарди, аммо қўшиб берилган дақиқаларда барибир гол ўтказиб юбордик, 3:1.
Ушбу ғалабадан кейин Ўзбекистоннинг очколари 15 очкога етди. Жамоамиз кейинги йилнинг 24 ва 29 март кунлари Филиппин ва Баҳрайнга қарши учрашувларни Тошкентда ўтказади.
ЖЧ-2018, ОК-2019 қўшма саралаш босқичи
"Н" гуруҳи, 8-тур
ЯМАН - ЎЗБЕКИСТОН - 1:3 (0:2)
Голлар: Азизбек Ҳайдаров (7), Сервер Жепаров (30), Станислав Андреев (49)
Огоҳлантириш: Азизбек Ҳайдаров (83)
Яман: 1.Муҳаммад Али Айяш, 7.Волид ал-Хубаиший, 9.Муҳаммад ас-Сасий, 11.Абдулвас ал-Матарий (Аҳмад ас-Сарорий 70), 12.Аҳмад ал-Хифий, 13.Ала Аддин Маҳдий, 14.Ҳамад Аҳмад Зубайрий, 16.Тавфиқ Али (Фуад ал-Омайсий 79), 18.Аҳмад Алос (Башир ал-Манифий 46), 19.Муҳаммад ал-Боқшан, 20.Аммар Ҳамсан.
Ўзбекистон: 21.Александр Лобанов, 2.Егор Кримец, 5.Анзур Исмоилов, 7.Азиз Ҳайдаров, 8.Сервер Жепаров (Александр Гейнрих 59), 9.Одил Аҳмедов, 10.Сардор Рашидов (Фозил Мусаев 79), 11.Игорь Сергеев, 14.Станислав Андреев (Жасур Ҳасанов 50), 19.Виталий Денисов, 20.Ислом Тўхтахўжаев.
Бош ҳакам: Абдуллоҳ ал-Ҳилолий (Уммон)
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
