Шундай тушунча борки, «Реал» клуби ва Португалия терма жамоаси етакчиси Криштиану Роналду грандларга қарши ўйинларда майдонда бор кучини сарфламайди. Бошқача айтганда, у кўзга унчалик ташланмайди ва жамоасига кутилган даражада наф келтирмайди. Аутсайдер ёки ўртамиёна клуб билан баҳсда эса, мутлақо бошқа манзара кузатилади. Хўш, бундай тушунча ҳақиқатга қанчалик яқин? «Барселона»нинг 4:0 ҳисобидаги ғалабаси билан якунланган охирги «Эль-класико» умумий баҳс-мунозараларни янада жонлантирди. Ҳарқалай, кўпчилик биринчи навбатда, «Қироллик клуби» ҳимоясидаги муаммоларни эмас, балки айнан Роналдунинг суст ҳаракатларини тилга олмоқда. Энди вазиятни ойдинлаштириш учун фактларга мурожаат этамиз.
Роналду ва Грандлар
«Реал» жорий мавсум барча турнирлар ҳисобидан 17та ўйин ўтказди. Улардан 5таси топ-даражадаги клубларга қарши кечди. Яъни «Мадрид» ЧЛда «ПСЖ» билан 2 марта куч синашди, Ла-лигада эса «Атлетико», «Севилья» ва «Барселона»га қарши майдонга тушди. Аввало, Роналдунинг шу ўйинларнинг охирги 2тасида қандай статистик кўрсаткичлар қайд этганини кўриб чиқсак.
Андалусияда Роналду худди бутун «Реал»дек яхши кўринмади. Ҳа, португалиялик ҳар доимгидек, кўп зарба йўллади, аммо уринишларидан атиги 1тасида тўп дарвозага аниқ борди, холос. Боз устига, Криш узатмалар аниқлиги бўйича «Реал» футболчилари орасида энг паст кўрсаткични қайд этди - 81 фоиз. Ўйиннинг бошқа элементлари хусусида ҳам худди шундай дейиш мумкин. Фақат битта жиҳат бундан мустасно. Аниқроғи, Криштиану ҳаводаги курашларнинг 17 фоизида устунлик қилиб, бу борада жамоадошлари орасида 3-яхши кўрсаткичга эришди.
Португалиялик «Эль-класико»да маълум даражада тетиклашгандек таассурот уйғотди. Шунга қарамай, деярли барча кўрсаткичларга кўра, қанот бўйича рақобатчиси - бразилиялик Неймарга ютқазди. Тўғри, КриРо Мадрид жамоаси ижросидаги ўйинда алоҳида ажралиб турди. Мисол учун, ҳаводаги курашлар бўйича «Реал»нинг энг фаол футболчиси бўлди - 67 фоиз ҳолатда устунлик қилди. Узатмалар аниқлиги борасида эса, 90 фоизлик натижа қайд этди. Бироқ тўпнинг португалияликка етиб бориши қийин бўлди ва шунга яраша, унинг ижросида атиги 2та зарба кўрдик.
Роналду ва ўртамиёналар (ёки аутсайдерлар)
Навбат Роналдунинг грандларга қарши ўйинлардан олдинги 2та баҳсдаги кўрсаткичларини кўриб чиқишга келди. Уларда «Реал»га «Лас-Пальмас» ва «Сельта» клублари рақиблик қилишган.
Роналду «Лас-Пальмас» билан ўйинда бор маҳоратини ишга солди. «Реал» эса 3:1 ҳисобида ғалаба қозонди. КриРонинг ўзи нафақат гол урди, балки ўйиннинг 2та элементи бўйича энг яхши кўрсаткични қайд қилди. Биринчиси - тўпни олиб қўйиш. У бу борада 100 фоизли натижага эришди. Иккинчиси - ҳаводаги курашлар. 50 фоиз ҳолатда устун чиққан Роналду бу борада ҳам энг яхши кўрсаткич соҳибига айланди.
Криштиану яна гол уриб, «Сельта»нинг 3:1 ҳисобида доғда қолдирилишига катта ҳисса қўшди. Ҳаводаги курашларда 27 фоизлик муваффақиятли уринишни қайд этиб, бу борада энг яхши футболчи бўлди. Шунингдек, кескинликни оширувчи узатмалар бўйича иккинчи яхши натижани кўрсатди. Асосийси, португалиялик дарвоза томон етарли даражада кўп зарба йўллади - 7та (4таси аниқ).
Хулоса: танқид қисман тўғри. Кўриниб турибдики, Роналду муҳим ўйинларда унча фаол эмас. Эҳтимол, барчаси рақиб таркибидаги ҳимоячилар савиясига боғлиқдир? Ҳар ҳолда, «ПСЖ» ёки «Барселона» билан баҳсларда гол уриш осон эмас. Шу маънода айтсак, Кришнинг грандлар билан ўйинларда мутлақо ношуд кўринишини айтиш ноўрин.
Роналду «Севилья»га қарши ўйинда
Гол 0
Зарба (аниқ зарба) 5 (1)
Узатма 32
Кескинлаштирувчи узатма 1
Голли узатма 0
Аниқ узатма (фоизда) 81
Муваффақиятли тўп олиб қўйиш (фоизда) 100
Тўпни илиб олиш 0
«Иккинчи қават»даги омадли уриниш (фоизда) 17
Муваффақиятли алдаб ўтиш 0
Роналду «Барселона»га қарши ўйинда
Гол 0
Зарба (аниқ зарба) 2 (2)
Узатма 29
Кескинлаштирувчи узатма 1
Голли узатма 0
Аниқ узатма (фоизда) 90
Муваффақиятли тўп олиб қўйиш (фоизда) 0
Тўпни илиб олиш 1
«Иккинчи қават»даги омадли уриниш (фоизда) 67
Муваффақиятли алдаб ўтиш 1
Роналду «Лас-Пальмас»га қарши ўйинда
Гол 1
Зарба (аниқ зарба) 5 (3)
Узатма 29
Кескинлаштирувчи узатма 1
Голли узатма 0
Аниқ узатма (фоизда) 79
Муваффақиятли тўп олиб қўйиш (фоизда) 100
Тўпни илиб олиш 0
«Иккинчи қават»даги омадли уриниш (фоизда) 50
Муваффақиятли алдаб ўтиш 0
Роналду «Сельта»га қарши ўйинда
Гол 1
Зарба (аниқ зарба) 7 (4)
Узатма 33
Кескинлаштирувчи узатма 2
Голли узатма 0
Аниқ узатма (фоизда) 85
Муваффақиятли тўп олиб қўйиш (фоизда) 0
Тўпни илиб олиш 0
«Иккинчи қават»даги омадли уриниш (фоизда) 27
Муваффақиятли алдаб ўтиш 2
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
