“Реал” – “Мальмё” 8:0. Учрашувга оид 27 факт
Кеча Чемпионлар лигасининг 6-тури доирасида Мадриднинг “Реал” жамоаси ўз майдонида “Мальмё”ни қабул қилиб йирик ҳисобдаги ғалабани қўлга киритди. Биз учрашувга оид қизиқарли фактларни эътиборингизга ҳавола этамиз.
1. “Реал” ва “Мальмё” Чемпионлар лигасида иккинчи марта рақиб бўлишди. “Қироллик клуби” ҳар иккала ўйинда ҳам ғалаба қозонган. Тўплар нисбати 10:0
2. “Реал” Чемпионлар лигасида энг йирик ғалаба эришиш бўйича “Ливерпуль”нинг рекордини такрорлади. Инглиз клуби 2007-йили “Бешиктош”ни 8:0 ҳисобида таслим этган.
3. Бенитес Чемпионлар лигасида икки жамоа билан 8:0 ҳисобида ғалаба қозонган ягона мураббийга айланди. Рафадан бошқа ҳеч бир мураббий ЧЛда 8:0 ҳисобида ютмаган.
4. Алваро Арбелоа эса Чемпионлар лигасида икки марта 8:0 ҳисобида ғолиб бўлган ягона футболчига айланди.
5. Криштиану Роналду Чемпионлар лигасида биринчи бор “покер” қайд этди
6. Карим Бензема эса Чемпионлар лигасидаги иккинчи “хет-трик”ини нишонлади.
7. Бензема Чемпионлар лигасида икки марта “идеал” хет-трик” қайд этган ягона футболчи бўлди. У ўнг ва чап оёқ, ҳамда бош билан гол уриб “идеал” “хет-трик”ка эришди.
8. Роналду Чемпионлар лигаси гуруҳ босқичида 11 та гол уриб, янги рекорд ўрнатди.
9. Роналду ушбу мавсумда иккинчи марта 3 та ва ундан ортиқ гол киритди.
10. Криштиану Чемпионлар лигасида тўртинчи марта 3 та ва ундан ортиқ гол киритишга муваффақ бўлди.
11. Роналду 2015-йилда учинчи марта тўртта ва ундан ортиқ гол уриб, шахсий рекордини ўрнатди. У бундан олдин икки марта "пента-трик" қайд этган эди.
12. Роналду Чемпионлар лигасидаги голлари сонини 88 тага етказди ва бу борада яққол пешқадамлик қилишда давом этмоқда. Унинг энг яқин таъқибчиси Месси ҳисобида 79 гол мавжуд.
13. Роналду Чемпионлар лигасидаги 121-ўйинини ўтказди ва бу борада Роберто Карлосни орқада қолдириб 7-ўринга кўтарилиб олди.
14. Криштиану “Реал” сафида Чемпионлар лигасидаги 69-учрашувида иштирок этди ва “галактикос”нинг мазкур турнирдаги 8-рақамли “гвардия”чисига айланди.
15. Роналду “Реал” таркибида охирги 50 йилда Еврокубокларда “покер”га эришган илк футболчига айланди.
16. Криш Чемпионлар лигасидаги энг тезкор “хет-трик”ини амалга оширди. Роналдуга 3 та гол уриш учун 11 дақиқа кифоя қилган.
17. Бензема 3, Роналду 4 гол ургач, Чемпионлар лигасида бир ўйинда бир жамоанинг икки футболчиси "хет-трик"ка эришган биринчи вазият кузатилди.
18. Карим Бензема “Реал” таркибида Чемпионлар лигасидаги 58-учрашувини ўтказди ва бу борада Морьентес ва Фигога етиб олиб, умумий рўйҳатнинг 12-поғонасига кўтарилди.
19. Карим Чемпионлар лигасидаги умумий голлари сонини 46 тага етказди ва Дрогба ва Ибрагимовични ортда қолдириб, Инзагига етиб олди. Эндиликда Бензема ва “Пиппо гол” турнир тарихидаги 7-8 тўпурарлар бўлиб туришибди.
20. Бензема Чемпионлар лигасидаги ўйинлари сонини 77 тага етказиб олди. Шу тариқа у ЧЛда энг кўп ўйнаган футболчилар ТОП-70 лигидан жой олди.
21. Бензема франциялик футболчилар орасида Чемпионлар лигасида энг кўп майдонга тушган 8-рақамли футболчига айланди.
22. “Реал” посбони Кико Касилья Чемпионлар лигасида илк бора “қуруқ” ўйин ўтказди. Бу унинг турнирдаги 2-ўйини эди.
23. Матео Ковачич “Реал” таркибида Чемпионлар лигасидаги дастлабки голига муаллифлик қилди.
24. Ковачич Чемпионлар лигасида иккита клуб таркибида гол урган 9-хорватиялик футболчига айланди. У “Динамо” Загреб ва “Реал” Мадрид сафида гол киритган.
25. Пепе Чемпионлар лигасидаги юбилей 80-ўйинини ўтказиб Зидан ва Макелелега етиб олди.
26. Марсело Чемпионлар лигасидаги 60-учрашувида майдонга тушди. Шу тариқа бразилиялик мусобақада энг кўп ўйнаган футболчилар ТОП-150 лигидан жой олди.
27. “Мальмё” Чемпионлар лигасидаги юбилей 10-мағлубиятини қабул қилди. Швед клуби ЧЛда жами 12 ўйин ўтказган.
Фурқат Юсупов тайёрлади
Манба: sports.uz
Киритилди: 19:43, 09.12.2015. Ўқилди: 4813 марта. Фикрлар: 2 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
