Тина Тернер, «Юрувчи мурдалар» ва бошқа нарсалар. Қуйидаги қисқа савол-жавоблардан «Манчестер Юнайтед» ҳужумчиси Уэйн Рунининг кундалик ҳаётига доир баъзи жиҳатларни билиб олиш мумкин.
- Спортга боғлиқ илк хотиранг қайси?
- Майк Тайсонни бир умрга эслаб қолганман. Бир сафар унинг жангини кўриш учун отам билан ярим тунгача ўтирганимиз ҳеч хотирамдан кўтарилмайди.
- Шахсий фикрингча, қайси актёр кинода сенинг образингни яхшироқ талқин этарди?
- Билмадим... Балки Мэтт Дэймондир.
- Ўзинг урган голлардан энг ёқимлиси?
- Чамамда «Манчестер Сити» дарвозасига чалқанча ҳолатда урганим бўлса керак.
- Дейлик, фақат 3та спорт турини томоша қилишинг мумкин. Шу ҳолатда нималарни танлайсан?
- Гольф, футбол ва боксни.
- Сен билан бирга ёки сенга қарши ўйнаган энг иқтидорли атлет?
- Менимча, Роналду. У чиндан ҳам, қойилмақом атлет.
- Футболдан ташқарида энг севимли спортчинг?
- Майкл Жонсон.
- Ҳозир қайси сериални томоша қиляпсан?
- «Юрувчи мурдалар»ни.
- Охирги марта қайси гуруҳ қўшиғини тингладинг?
- Тўхтанг, эслаб олай.. Умуман, бугун кийиниш хонасида Тина Тернер қўшиғини эшитдим.
- Бу одатийми?
- Йўқ. Аслида клубда мусиқага Эшли (Янг) жавоб беради, лекин баъзан мен ва Бастиан (Швайнштайгер) ҳам танлаймиз. Умумий олганда, биз турли мусиқаларни эшитамиз. Бу сафар Тина Тернерни танладик. Ўйлайманки, танловимиз барчага ёқди.
- Қачондир бирор машҳур шахс олдида эсанкираб қолганмисан?
- Ҳа, Бастиан (Швайнштайгер) билан илк марта учрашганимда. Ўшанда у товонимга тепганди ва жароҳатлангандим.
- Жамоадошларингдан қай бири билан лифтда қамалиб қолишни истамасдинг?
- Андерс Линдегор (у ҳозир «Вест Бромвич» вакили) билан. У ғоят асабга тегади.
- Сен учратган энг ғалати фанат?
- Мухлислардан бири кал бошини тутиб, дастхат қўйиб беришимни сўраганди.
- Нима деб ўйлайсан, ўша фанат кейинчалик дастхатингдан татуировка чиздирганмикин?
- Эҳ, билмадим. Умид қиламанки, йўқ. Чунончи, ялтироқ бошига имзо чекишим ноқулай бўлган ва дастхат чиройли чиқмаганди. Барчаси ўта ғалати.
- Сен ёқтирадиган дам олиш ҳудуди?
- Барбадос. У ерга борсангиз, ҳаёт ташвишларини батамом унутасиз. Ажойиб жой.
- Имконият берилса, қандай супериқтидорни танлардинг?
- Кўринмас одам бўлиш салоҳиятини.
- Сен болаликда ёқтирган севимли мультфильм персонажи?
- Жонни Браво.
- Ҳаётингдаги энг қийин синов?
- Жаҳон чемпионати чорак финали (2006 йилги мундиалда Португалия термасига қарши)даги четлатилиш. Жуда оғир бўлганди.
- Сен берган энг яхши маслаҳат?
- Футболга тегишлиси - шунчаки, ўйиндан лаззатланинг. Ёш футболчилар, балки, бу масалада қийналишар. Аммо асосийси, ўйиндан роҳатланиш эканини унутмаслик лозим.
- Фаолиятинг давомидаги энг яхши лаҳзалар?
- ЧЛдаги ғалаба онлари. Умид қиламанки, бунақасини яна бир марта бошдан ўтказаман.
Манба: footballhockey.ru,
А.АҲМЕДОВ тайёрлади
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
