Ғузорнинг “Шўртан” жамоаси айни пайтда мавсумолди тайёргарликларини иккинчи босқичига киришган. Машғулотлар Ғузор шағридаги клуб базасида олиб борилмоқда.
Жамоа тайёргарликларни барча қулайликларга эга бўлган шунингдек бошқа клублардаги мавжуд шароитлардан ҳеч қолишмайдиган ўз ихтиёридаги қароргоҳда давом эттирмоқда. Машғулотлар ҳар куни икки маҳалдан олиб борилмоқда. Ўқув-йиғин машғулотларини Қашқадарё воҳасининг етук мутахасиси сифатида танилган “Шўртан” ПФК мураббийи – Зоир Тўрақулов бошчилигидаги мураббийлар ўтказишмоқда.
Муқаддам жамоада бош мураббий вазифасида ишлаган Мухтор Қурбонов бундан буён жамоада фаолият юритмайдиган бўлди.
Клуб раҳбарияти ҳозирги кунда жамоага бош мураббий тайинлаш борасида бир қатор номзодларни кўриб чиқмоқда, бош мураббий масаласи январ ойида узил-кесил ҳал бўлади.
“Шўртан” жамоасини бир қанча футболчилар тарк этган. Аммо бунгача жамоада фаолият юритган тажрибали футболчилардан Элдор Тожибоев, Элдор Бойматов, Мирзакамол Камолов, Зафар Полвонов, Лазиз Убайдуллаев ва Игорь Таранлар жамоада қоладиган бўлишди. Бундан ташқари клуб раҳбарияти таркибга аввало ўз ихтиёридаги футбол мактаби тарбияланувчиларидан ва воҳамиз футбол мактабларида тарбияланган ёш футболчиларни жалб қилишга қарор қилишган. Шундай қилиб, клуб ўз сафига футболчиларни жалб қилиш борасида бор эътиборини ички имкониятга қаратади. Бу ҳолат албатта воҳамизда камолга етаётган кўплаб маҳаллий ёш футболчиларга ўз бахтларини катта футболда синаб кўриш имкониятини яратади. Ажаб эмаски, келгусида кўплаб иқтидорли янги номлар айнан “Шўртан” жамоасида юзага чиқса. Шунингдек жамоага бу йилги мавсумда хориждан футболчиларни таклиф қилинмаслиги аниқ бўлди.
Жамоа тайёргарликларни 15 январгача Ғузорда давом эттиради, кейин футболчиларга уч кунлик таътил берилади ва 18 январ куни Тошкент шаҳрида тиббий кўрикдан ўтишади. Демак, бу кунгача жамоа таркиби тўлиқ шаклланиб бўлади.
Жамоа аъзолари шу куни “Ўзбекистон” меҳмонхонасида йиғилишади. Ўқув – йиғин машғулотларининг кейинги, учинчи босқичи пойтахтда давом эттирилади.
Янгиликлар “Шўртан” ПФК матбуот хизмати билан ҳамкорликда тайёрланди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
