Қиргулидаги йиғинда иштирок этаётган 24 ёшли дарвозабон жамоа "Нефтчи" матбуот хизмати хомидлари билан суҳбатга киришар экан, Фарғона жамоаси билан янги мавсумда ижобий натижалар қайд этишга умид қилаётгани ҳақида ҳам гапириб ўтди.
— Мавсум якунига етганидан сўнг, "Олмалиқ" ва "Нефтчи" жамоаларидан таклиф тушди, — деб гап бошлади Юсупов. — Мен эса ҳеч иккиланмасдан Фарғонага йўл олишга қарор қилдим.
— Айнан "Нефтчи"ни танлашингизга нима сабаб бўлди?
— "Нефтчи" жамоасининг Олий лига-2015даги иштироки шахсан менда ижобий таассурот қолди. Фарғоналиклар мавсумни жуда яхши ўтказишди. Мураббийлар штаби тажрибали ва кучли. Ундан ташқари, атрофимдаги яқинларим ҳам "Нефтчи" жамоасига боришимни маслаҳат беришди. Келишимдан аввал, "Нефтчи"даги ички ижобий ва дўстона муҳит ҳақида эшитгандим. Ҳақиқатдан ҳам шундай экан.
— Яхши биласиз, "Нефтчи"да яна бир дарвозабон, яъни Ўзбекистон ОТЖнинг асосий посбони Абдумавлон Абдужалилов бор. Умуман ўзига хос рақобат юзага келмоқда...
— Тўғри. Лекин рақобатдан қўрқмайман. Рақобат бор жойда ўсиш кузатилади. Журналистлар "Насаф"да ҳам шу каби саволлар билан кўп мурожаат қилишарди. "Нефтчи"да ўзимни кўрсатиш учун қўлдан келганча ҳаракат қиламан. Энди буёғига Абдумавлон билан рақобатлашамиз.
— Ўтган йили "Нефтчи" дарвозасини россиялик Евгений Черемесин қўриқлади ва легионер дарвозабон қандай мавсум ўтказганидан хабарингиз бор. Демоқчи бўлганим, сиз ёки Абдумавлон Черемесиннинг ўрнини босишингизга тўғри келади...
— Албатта. Ҳозирча, мураббийлар бизга имконият бермоқда. Насиб қилса, машғулотларда қаттиқ меҳнат қилиб янги мавсумда ўзимни кўрсатишга ҳаракат қиламан.
— Андрей Фёдоров ҳақидаги илк таассуротлар қандай?
— Тажрибали мураббий. Фёдоров ҳам бир вақтлар яшил майдонда бизга каби футболчи бўлган. Футболчи бўлган инсон, майдондаги спортчига қандай муносабатда бўлишни яхши билади. Дарвозабонлар мураббийи билан ҳали кўришмадик. Билишимча, кучли мураббий. Черемесинни ҳам мана шундай ажобий мавсум ўткизишида уларни ўрни катта бўлди деб эшитдим.
— "Нефтчи" мухлислари, хусусан водийлик ишқибозлар ҳақида эшитганмисиз ?
— Ҳа, албатта! Водий дербиларининг шиддатли ўтишиди асосан мухлислар муҳим роль ўйнайди. Дарҳақиқат, Фарғонада футболни жуда севишади. Бу ерга келиб, бунга яна бир бор гувоҳи бўлдим.
— Янги мавсумдан нималар кутяпсиз?
— Фақат ғалабали баҳслар ва юқори ўринларни кутяпман. "Нефтчи" мухлислари жуда талабчан. Жамоадан фақат ғалаба кутишади. Насиб қилса, бу йилги мавсумда уларнинг ишончини оқлаймиз — деди Ўткир Юсупов.
Футболчи ҳақида маълумот:
Исми-шарифи: Ўткир Юсупов.
Ампуласи: Дарвозабон.
Туғилган санаси ва жойи: 1991 йилнинг 11 апрелида Қозоғистоннинг Чимкент шаҳрида туғилган. 5 ёшидан Тошкентда яшаган.
Ўйнаган жамоалари: "Пахтакор" (ёшлар) "Машъал" (Муборак) ва "Насаф" (Қарши)
Ўтган мавсумда қанча ўйнаган: "Насаф" таркибида 10 ўйинда иштирок этиб, 8 марта ўз дарвозасидан гол олиб чиққан. 2 марта сариқ карточка олган.
"Нефтчи" ПФК матбуот хизмати.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
