Италиянинг «Наполи» жамоаси бош мураббийи Маурицио Сарри ўзини гомофобия хасталигига чалинмаганини ва «Интер» бош мураббийи Роберто Манчини билан Италия Кубогининг 1/4 финалида (0:2) содир бўлган воқеада эмоция берилганини таъкидлади.
Учрашувдан кейин Манчини Сарри уни ношуд (гомик) деб атагани ва бундайларни футболдан четлатиш кераклигини таъкидлаганди.
«Майдонда бундай вазиятлар учраб туради. Менга ҳакам ҳуштаги чалингач, рақиб бош мураббийига қўл бериб қўйишни ўргатишган. Стресс ҳолатида нимадир бўлган бўлиши мумкин, лекин ечиниш хонасида унинг ёнига бориб, узр сўрадим. Бор гап шу ерда тугаши керак эди», дейди Сарри.
«Ҳозир мени гомофобия хасталигига чалинишда айбламоқда. Шунчаки мени миямга биринчи бўлиб шу сўз келиб қолди. Кейинги сафар мен уни демократ деб атайман».
«Менда бундай типдаги дўстлар кўп, шундай экан мен гомофоб эмасман. Дисквалификация қилинаманми? Нима учун? Бу бошқаларда бўлгани каби одатий таҳдид. Манчини мени қари тулки деб атади, демак у ҳам қариялар нисбатан ирқчи бўладими? Мен унинг олдидан ўтиб, узр сўрадим. Очиғи, ўша пайтда уни айнан нима деб чақирганимни ростан ҳам эслай олмадим», дея Сарридан иқтибос келтиради Football Italia нашри.
Матнда хатолик топсангиз, ўша хатони белгилаб, бизга жўнатинг (Ctrl + Enter).