Испаниялик малакали мутахассис Висенте Дель Боске нафақат «Реал» (Мадрид)даги ўйинчилик ва мураббийлик фаолия-ти, балки ўз мамлакати миллий термаси билан эришган ютуқлари эвазига номини тарих зарварақларига зарҳал ҳарфлар билан битишга улгурди. «Қизил фурия» бошқаруви Луис Арагонесдан сўнг дель Боскега ишониб топширилгач, испанлар жаҳон футболида нақ олти йил ҳукмронлик қилишди. Маълум бўлишича, у Евро-2016дан сўнг мураббийлик фаолиятини якунлайди. Франция яшил майдонларида шогирдлари билан қандай натижаларни қайд этишини вақт кўрсатади. Биз бугун Висенте дель Боскенинг фалсафасига чуқурроқ кириб боришга уриниб кўрамиз.
Футбол - бу ҳаёт.
Етакчи билан фахрланишади, раҳбардан эса қўрқишади.
Нормаллик сотилмайди.
Спорт - ҳаёт мактаби.
Футболчининг умри вақтини дам олиш билан ўтказиши учун қисқалик қилади.
Спортчи ҳамиша янги муаммоларни излашга интилиши лозим.
Шарафсиз муваффақият энг катта омадсизликдир.
Ютуқлар астойдил қилинган меҳнат эвазига давом этади.
Ғалабалар футболчилар ҳиссасига тўғри келади.
Муваффақият интилиш ва ҳурмат-эътибор эвазига қўлга киритилиши керак.
Футбол, қоидага мувофиқ, ўзини энг яхши деб билувчиларни жазолайди.
Биз ҳақли равишда эришган обрўйимизни сақлашимиз шарт.
Аввалги ғалабалар келгусидаги ютуқларни қўлга киритишда ёрдам бермайди. Ўзига ҳаддан зиёд ишониш ҳам яхши эмас. Бирор ишни бажаришда иккиланиш - муаммо эмас, зеро шубҳалар ижобий таъсир ўтказишга қодир.
Футбол жамиятда муҳим аҳамият касб этади. Ўйинчилар ижтимоий масъулиятни сезишлари шарт.
Биз фақат футбол учун қай-ғурмаслигимиз, одоб-ахлоқ, тартиб-интизомга ҳам алоҳида эътибор қаратишимиз лозим.
Миллионлар ўйини ҳар доим ҳам юксак қадрланмаган. Аммо ҳозирги футбол жамоатчилик ҳурматига сазовор бўлмоқда.
Баъзан одамлар орасида ғолиб мураббий кераклиги ҳақида гап-сўзлар юради, ҳар ким ғалаба қозонишни истайди. Муваффақият ва мағлубиятлар чоғида ўзингизни муносиб тутишни билишингиз муҳим.
Мутасаддиликка истараси иссиқ, хушмуомала, самимий ва энг аввало, таъсирчан кишилар сайланишлари керак. Обрў-эътиборга хос раҳбарият урфдан қолди. Ҳозирги футбол ҳаётнинг бир бўлагига айланган, ҳар куни дарғазаб ҳолда юролмайсиз.
Жамоада илиқ муносабат жуда муҳим, шундагина барча ўз ишини ажойиб тарзда бажаради.
Ғалаба қозонувчи эмас, балки ниманидир ўргатувчи мураббий бўлишни хоҳлайман.
Иқтисодиёт ҳақида ҳеч ким ҳеч нима билмайди. Бу иқтисодчиларнинг энг буюк ёлғони. Аксинча, футболда одамлар ўз кучига эга қарама-қарши фикрларга эга бўлишлари мумкин.
Шунчаки, футболни ҳимоя қилишни хоҳладим, буни эса уддалаш осон эмас. Мен каби спортда узоқ йиллардан буён ишлаётганлар миллионлар ўйинини асраш ва ғамхўрлик қилиш нақадар муҳимлигини аллақачон тушуниб етишган. Футбол, унинг қандай аҳамиятга эгалиги хусусида гапирганман. Бу - бизнинг касбимиз, ҳаётимиз, шундай экан, у ҳақда қайғуришимиз шарт.
Бизнинг муваффақиятимиз барчамизга тегишли: кичик жамоадан тортиб, катта клубларгача.
Шикоят қилмайман, шунчаки фикр юритаман: қандай йўл тутсам, Испания термаси учун яхши бўлади, ўйлаганларим хато эмасмикан?
Мамлакатимиз обрўсини бутун дунё бўйлаб ёйиш - жуда муҳим.
Испания спорти авваллари индивидуалликка таянарди. Энди эса биз жамоавий ўйинда ҳам ажойиб натижалар қозонишимиз мумкинлигини кўрсатяпмиз. Бу олдинга ташланган қадам демакдир.
Мессими ёки Роналду? Ростини айтсам, менга аргентиналик ҳужумчи кўпроқ ёқади, унинг ҳаракатлари кўча футболига хос.
Касильяс - «Реал»нинг ҳақиқий фахри.
Неймар чиндан ҳам менга ёқади, чунки у - мусаввир, Ла Лига шундай футболчиларга муҳтож. Биз энг яхшиларни ҳамиша қучоқ очиб кутиб олишимиз лозим, ахир Испанияда Роналду ва Месси сингари юлдузлар тўп суришади.
Бускетс - ўз позициясидаги энг яхши ўйинчи. У Хави сингари етакчи бўлишга қодир.
Манба: Football.ua,
Ў.УМАРОВ тайёрлади
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
