“Локомотив” Дубайдаги иккинчи ўртоқлик ўйинида ҳам йирик ҳисобда зафар қучди. Бу сафар Хитой Суперлигаси вакили “Ханжоу Гринтаун” клуби дарвозаси жавобсиз уч бор ишғол этилди.
Расмий ўйинлар яқинлашиб келаётгани учун ҳам Абдуллоҳ Ал-Балуши бошқариб борган беллашув олдидан томонлар фақатгина 3 тадан ўзгаришни амалга оширишга келишиб олишди. Қуйида “Локомотив”нинг бошланғич таркиб футболчилари билан танишиб олишингиз мумкин.
Андрей Микляев ҳамда Мирко Еличич ўзаро келишган ҳолда 3 та номинал ҳимоячи билан ўйнашга қарор қилишди. Марказда Яничич ҳаракат қилган бўлса, унинг икки четида Тўхтахўжаев ҳамда Зотеев тўп суришди. Таянч ярим ҳимоядан тажрибали Кападзе ҳамда Махарадзе жой олишди. Олдинги чизиқда тўп сурган Темурхўжа Абдуҳолиқовга ҳужум ташкил этишда 3 та футболчи кўмаклашди – Сервер Жепаров, Санжар Шоаҳмедов ҳамда Сардор Мирзаев. Бунда кейинги икки футболчи Жепаровнинг икки четида ўйин олиб боришди. Таянч зона ва ҳужумкор ярим ҳимоячиларни боғловчи сифатида Икром Алибоев ҳаракат қилди.
“Темирйўлчилар” беллашувни кўтаринки руҳда бошлаб, Абдуҳолиқовнинг 10-дақиқада киритган голидан кейин ҳисобда олдинга чиқиб олишди. Ҳужумни Тимур Кападзе бошлаган бўлса, голли пас Санжар Шоаҳмедов томонидан узатилди.
18-дақиқага келиб Сервер Жепаров ўзининг шедевр пасларидан бирини амалга оширди ҳамда Шоаҳмедовни дарвозабон билан яккама-якка вазиятга чиқарди. Ўз навбатида Санжар хитойлик посбонни алдаб ўтиб, ҳисобдаги фарқни 2 тага оширди – 2:0.
Иккинчи бўлимда ҳам ўйиннинг боришини “Локомотив” футболчилари назорат қилишди. Бу таймда дарвозага фақатгина битта гол урилди. Бурчакдан тўп Жепаровга ташлаб берилди, Сервер эса уни қулай тарзда гол муаллифига етказди.
“Локомотив” Дубайдаги иккинчи йиғин доирасидаги биринчи ўртоқлик учрашувини маҳаллий “Ал-Урооба” клубига қарши ўтказиб, 5:1 ҳисобида муваффақият қозонганди. Навбатдаги беллашув 12 февраль куни Хитойнинг “Тяньцзинь Теда” клубига қарши бўлиб ўтади.
ЛОКОМОТИВ (Ўзбекистон) – ХАНЖОУ ГРИНТАУН (Хитой) 3:0
Голлар: Тимурхўжа Абдуҳолиқов, 10 (1:0). Санжар Шоаҳмедов, 18 (2:0). Сардор Мирзаев, 75 (3:0).
“Локомотив”: Игнатий Нестеров (Сарвар Каримов, 75) — Олег Зотеев, Неманья Яничич, Ислом Тўхтахўжаев (Шерзод Файзиев, 70) — Кахи Махарадзе, Тимур Кападзе (Жасур Ҳасанов_77, 60) — Икром Алибоев — Сервер Жепаров, Санжар Шоаҳмедов, Сардор Мирзаев — Темурхўжа Абдуҳолиқов.
“Ханжоу Гринтаун”: Гуо Чун Цуан — Цао Хай Чин (Дзоу Де Хань, 46), Ву Фан Си, Чен Сияо, Ге Жень — Хуан Си Ян, Занг Йи Фень, Ло Дзинг, Чен Дзин (Гао Хуа Дзе, 56) — Чен Бо Лиянь (Ву Вей, 63), Дэви Клоуд Анган.
Ҳакам: Абдулла Ал-Балуши
2016 йилдаги ўртоқлик ўйинлари
15 январь, 2016 Ал-Аҳли (Саудия Арабистони) – Локомотив 0:0
19 январь, 2016 Хенан Жианье (Хитой) – Локомотив 0:0
22 январь, 2016 Словакия U-21 – Локомотив 0:2
5 февраль, 2016 Ал-Урооба – Локомотив 1:5
Матнда хатолик топсангиз, ўша хатони белгилаб, бизга жўнатинг (Ctrl + Enter).
Олимпик
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
