Андрей Микляев: «Ҳар қандай жамоа билан ўйнашга тайёрмиз»
Осиё чемпионлар лигасининг "А" гуруҳидан ўрин олган "Локомотив" ва "Ал-Иттиҳод" жамоалари ўртасидаги ўйиндан олдин матбуот анжумани ўтказилди. Унинг иккинчи қисмида темирйўлчилар бош мураббийи Андрей Микляев ва футболчи Темур Кападзе иштирок этди.
— Барчани янги мавсум бошланиши билан барчани табриклайман. Янги мавсум учун тайёрландик, йиғинлар ўтказдик. Рақибни ўргандик. Уйда фақат ғалаба қозонишимиз керак. Эртага рақибга нисбатан камида битта кўпроқ гол уришимиз керак, — дейди Микляев.
— Барча клубларимизга ОЧЛда муваффақиятли иштирок этишларини тилайман. Эртанги ўйинга жиддий тайёргарлик кўрдик. Мавсумдаги илк ўйинимиз бўлишига қарамай, эртага бизни қўллаб-қувватлайдиган мухлисларни хурсанд қилишга ҳаракат қиламиз, — дейди Темур Кападзе.
— Мавсумдаги илк расмий ўйин бўлиши жамоа учун муаммо бўлмайдими?
Темур Кападзе: — Бундай ҳолатга ҳар йили дуч келамиз. Ҳозирда Саудия жамоалари яхши ўйин амалиётига. Ҳар қандай ҳолатда ҳам бу нарса ғалаба қозонишимиз учун халал бермайди. Майдоннинг ҳар бир қаричи учун курашиб, ақл билан ўйнаб, ғалаба қозонишга ҳаракат қиламиз. Мураббийлар тактик жиҳатдан бизни шунга тайёрлашяпти.
— Ўтган мавсумдаги "Локомотив"нинг ўйинида қандай ўзгаришлар бўлди?
— Ўйин услубимизни сақлаб қолдик, унга кўп ўзгартиришлар киритмадик. Ўтган йилги иштирокимиздан хулоса қилган ҳолда, ўйинимизга айрим янги жиҳатларни қўшдик. Қандай ўзгаришлар эканини эртанги ўйин кўрсатади.
— Рақиб сафида кучли легионерлар тўп суради. Уларни қай даражада ўрганиб чиқдингиз?
— "Ал-Иттиҳод"нинг 4 нафар легионерини биламиз. Уларнинг венесуэлалик ҳужумчиси 17та гол урган. Шунингдек, ярим ҳимояда тажрибали руминиялик 35 ёшли футболчи ўйнайди. "Ал-Иттиҳод" ўйинларини кўриб чиқдик. Балки улар ҳам бизнинг ўйинларимизни кўргандир. Ҳар ҳолда йиғин давомида улар билан битта меҳмонхона яшагандик.
— "Ал-Иттиҳод" мураббийи Тошкентга ғалаба учун келганини таъкидлаб ўтди. Бу ҳолат жамоага босим юкламайдими?
— ОЧЛда кучсиз жамоа йўқ. Бу мусобақада кучсиз жамоанинг ўзи йўқ. Барча ғалаба учун курашади. Биз бундан хавотир олаётганимиз йўқ. Ўтган йилги иштиромиздан тўғри хулоса чиқарганмиз. Ҳозирда биз ҳар қандай жамоага қарши ўйинга тайёрман. Асосий мақсадимиз - гуруҳ босқичидан чиқиш.
Манба: stadion.uz
Киритилди: 14:53, 22.02.2016. Ўқилди: 4005 марта. Фикрлар: 4 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
