“Металлург”: “Локомотив-БФК” йирик ҳисобда доғда қолдирилди
Тошкент вилоятининг Чирчиқ шаҳрида тайёргарлик жараёнини давом эттираётган “Металлург” футболчилари “Кимёгар” стадионида биринчи лига вакили “Локомотив-БФК” жамоасига қарши назорат учрашувини ўтказди. Ўйин бекободликларнинг йирик ҳисобдаги ғалабаси билан якунланди – 8:0.
Мазкур назорат-кўрик ўйинида темирйўлчилар таркибида бир қатор ёш футболчилар тўп сурганлиги боис, жамоаларнинг маҳорати борасидаги фарқ яққол сезилиб қолди. “Металлург” билан шартнома имзолаган Жаҳонгир Абдумўминов шу куни хет-трикни расмийлаштирган бўлса, Зоҳид Абдуллаев ҳамда Аюбхон Нўъмоновлар дублга эришишди. Яна битта гол Жасур Ҳакимов ҳисобида ёзилди.
“Металлург” – “Локомотив-БВК” – 8:0. Чирчиқ. “Кимёгар” стадиони.
“Металлург”: Зафар Сафоев, Даврон Каримқулов, Ҳикмат Ҳошимов, Мирғиёс Сулаймонов, Улуғбек Худойбердиев, Мурод Тошматов, Дониёр Одилов, Аюбхон Нўъмонов, Эргаш Исмоилов, Жаҳонгир Абдумўминов, Зоҳид Абдуллаев.
Заҳирадан майдонга тушганлар: Суҳроб Султонов, Дилмурод Каримов, Саид Абдужабборов, Суннат Эрматов, Вусол Магерамов, Жасур Ҳакимов, Фарҳод Намозов.
Энди “Металлург” футболчилари навбатдаги назорат учрашувни 27 февраль куни “Олмалиқ” жамоасига қарши ўтказишади.
Манба: metallurg-pfc.uz
Киритилди: 15:55, 25.02.2016. Ўқилди: 3313 марта. Фикрлар: 1 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).