20 февраль куни «Милан» раҳбари Сильвио Берлускони «россонерлар» бошқарувидаги 30 йиллик юбилейини нишонлади. Унинг қўл остида клуб 28та турли совринларни қўлга киритди. FootballHD.ru машҳур мутасаддини ушбу муҳим сана билан табриклаган ҳолда у томонидан қўлланган ажойиб жумлаларни тўплашга қарор қилди. Хўш, Берлусконининг қайси гап-сўзлари омма орасида кўп муҳокама қилинган? Мазкур саволга қуйидаги иборалардан жавоб топиш мумкин.
МАНБАЛАР
1985 йилнинг декабри:
- Ҳамиша Ривьеранинг ажо-йиб пасидан сўнг гол уришни орзу қилганман, болалигимда бу ниятимни худди Нордаль сингари амалга оширишни хоҳлаганман. Ҳар гал тўп киритганидан сўнг унинг трюкларини такрорлашга уринардим. «Милан» бош-қарувини эгаллаш - ёшлик чоғларига қайтиш билан баробар.
1985 йилнинг декабри:
- Акам Паоло голлар урган, Галлиани эса ўнг қанотда ажойиб ўйнаган. Мен эса учинчи лига жамоасига мураббийлик қилганман ва биласизми, биз қаторасига ғалаба қозонганмиз. Бир гал менинг клубим - «Эдильнорд» Загатти устозлигидаги «Милан» ёшларини 2:0 ҳисобида енгган.
1988 йилнинг феврали:
- Хорижликларми? Шуни аниқ биламанки, 1992 йилга келиб Европа мамлакатларида ўйинчиларнинг қайси юртдан эканлиги аҳамият касб этмай қўяди.
МУРАББИЙЛАР
1998 йилнинг феврали:
- Капелло «Реал»да ва Заккерони «Милан»да? Бўлмаган гап. (Бироқ орадан олти ой ўтгач, Заккерони «россонерлар» бош мураббий этиб тайинланди).
2000 йилнинг марти, Заккеронига аталган танқид:
- Синьор Лиццола ажойиб тикувчи эди. У доимо «Қўлингиздаги мато сифатли эканми, демак уни чеварга ишониб топширишдан олдин эътиборлироқ бўлишингиз лозим», дерди.
2004 йилнинг феврали:
- «Милан»да фаолият юритадиган ҳар бир мураббий камида икки ҳужумчи билан ўйнаши шарт. Бу тавсия эмас, мажбурият.
2013 йилнинг феврали:
- Аллегри? У рўйхатдан ўчирилган.
2014 йилнинг майи:
- «Милан»га мос тушадиган энг яхши мураббийнинг номини биламан - Берлускони.
ШАХСЛАР
1988 йилнинг феврали:
- Сизнингча, Аньелли шу «Ми-лан»нинг мураббийи бўлишни хоҳлармиди? Ишончим комилки, FIATни бошқариш менга кўпроқ роҳат бағишлайди!
1988 йилнинг июни:
- Аньелли менга Гальдеризини тавсия қилди. Аньелли жиддий, аммо гап футболга бориб тақалса, ҳазиллашишни хуш кўради.
ЎЙИНЧИЛАР
1987 йилнинг марти:
- Борги «Милан»га мос ўйинчи эди, унинг клубга кўп нарса бериши кутилганди. Аммо мураббий ўз услубига сололмаган футболчини жамоа таркибига мажбурлаб кирита олмайман.
1988 йилнинг июли:
- Марадона буюк футболчи бўлган, бироқ унга «Милан»да жой топилмади. Чунки феъл-атвори жуда оғир.
1993 йилнинг декабри:
- Савичевични олиб қолиш учун кўп куч сарфланди. Биз арзонгина - беш миллион долларга Ромарио ва Бокшични харид қилишимиз ҳам мумкин эди. Аммо бу маблағни Деянга ишлатишни жоиз билдик.
2001 йилнинг январи:
- Хельвег менга кар арслон ҳақидаги эртакни эслатиб юборди. Бир мусиқачи жунгли ўрмонларида скрипка чалиб, дастлаб битта шерни, сўнгра атрофдагиларни гипноз қилиб қўйди. Аммо кўп ўтмай унинг қаршисида пайдо бўлган кар арслон мусиқачини паққос туширди.
2010 йилнинг августи:
- Роналдиньо - футбол тарихидаги энг яхши ўйинчи.
2013 йилнинг январи:
- Балотелли? Қутидаги ягона чириган олма бошқа меваларга ҳам нуқсонини юқтиради.
«МИЛАН»
1988 йилнинг июли:
- Мен қилаётган иш ҳеч нарса эмас, аммо «Милан» - жуда муқаддас.
1995 йилнинг июли:
- Мафия ва пиццани инобатга олмасак, «Милан» - энг машҳур Италия бренди саналади.
2012 йилнинг ноябри:
- Футбол тарихида ўчмас из қолдирган учта жамоани биламан. Бу - Круиффнинг «Аякс»и, уч нафар голландни тўплаган «Милан» ҳамда Гвардиоланинг «Барселона»си.
2013 йилнинг феврали:
- Отам мени «Милан» иштирокидаги ўйинларга олиб келгани, ёшим кичик бўлгани учун чиптасиз кирганим кечагидек ёдимда. Яна бир бор айтаман, «Милан» - қалб садоси.
«БЕРЛУСКОНИ ВА...»
- Сильвио, сўров натижаларига кўра, 50 фоиз иштирокчи сизни барча даврлардаги футбол клубларининг энг яхши президенти, деб топди. Нима деб ўйлайсиз, нега?
- Чунки мен келишган одамман.
- Берлускони бўлмаганингизда ким бўлишни хоҳлардингиз?
- Берлусконининг ўғли бўлишни хоҳлардим.
2010 йилнинг августи:
- Сиз гоҳ қувонасиз, гоҳида эса ранжийсиз. Аммо уруғни барибир, мен экаман.
2013 йилнинг феврали:
- «Милан» - жаҳоннинг энг совриндор жамоаси, мен эса энг кўп мукофотни қўлга киритган президентман. Сантьяго Бернабеу менинг ҳисобимдаги муваффақиятларнинг ярмига ҳам эришмаган, аммо стадионга унинг номи берилган.
2014 йилнинг октябри:
- Отам ҳамиша «Милан» қалбга ўчмас из сифатида муҳрланган», дерди. Мен эса юрагимни алмаштирмоқчи эмасман.
Манба: FootballHD.ru,
А.АҲМЕДОВ тайёрлади
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
