Легионерлар: Тўраевнинг клуби Шарофетдинов жамоасини мағлуб этди
Малайзия Суперлигасида бугун 3-тур учрашувлари бўлиб ўтди.
Тур доирасидан ўрин олган қизиқарли тарзда кечган матчлардан бирида “Т-Тим” ҳамда “Фелда Юнайтед” жамоалари ўзаро тўқнаш келишди. Биласиз, ушбу икки жамоа таркибида бир нафардан ўзбекистонлик футболчилар тўп суришади.
Кескин курашларга бой ҳолда ўтган матчда таркибида Лутфулла Тўраев ўйнаётган “Фелда” 2 та тўп фарқи билан зафар қучди. Мазкур жамоага ғалаба келтирган иккала голга ҳам Ҳадин Азман муаллифлик қилди.
Таъкидлаш жоиз, учрашувни ҳар икки ҳамюртимиз ҳам бошланғич таркибда бошлади.
3-турдан сўнг Дилшод Шарофетдинов тўп сураётган “Т-Тим” жамоаси 1 очко билан мусобақа жадвалининг 11-поғонасида бормоқда. “Фелда Юнайтед” ҳисобида 9 очко мавжуд ва жамоа турнир жадвали карвонбошиси бўлиб турибди.
Манба: sports.uz
Киритилди: 09:16, 28.02.2016. Ўқилди: 3279 марта. Фикрлар: 1 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар