Бугун, 5 март куни Ўзбекистон профессионал футбол лигасининг 2016 йилги мавсуми старт олади.
Ушбу мавсумнинг дастлабки тур ўйинлари 5, 6 ҳамда 7 март кунлари давомида бўлиб ўтади.
Қуйида 1-тур ўйинлари тақвимини келтириб ўтамиз:
5 март, шанба.
16:00 “Қўқон-1912” – “Обод”
16:00 “Металлург” – “Сўғдиёна”
16:45 “Бухоро” – “Олмалиқ”
17:00 “Қизилқум” – “Машъал”
18:00 “Бунёдкор” – “Нефтчи”
6 март, якшанба.
16:00 “Навбаҳор” – “Локомотив”
17:00 “Насаф” – “Шўртан”
7 март, душанба.
17:30 “Пахтакор” – “Андижон”
Чемпионат дебютанти — Тошкентнинг “Обод” клуби мавсумни Қўқонга сафар қилиш билан бошлайди. Ушбу жамоалар Олий лига доирасида ҳали ўзаро тўқнаш келмаган. Обод икки мавсум аввал иккинчи лигадан биринчи лигага йўл олиб, Ўзбекистон биричнилигининг ўтган йилги якунларига кўра Олий лигада иштирок этиш ҳуқуқини қўлга кириди. “Қўқон-1912” эса Ўтган мавсумда Олий лига дебютанти сифатида иштирок этиб, якунда уни 12-ўрин билан нихоясига етказганди.
Бекобод шаҳрида ўзаро тўқнаш келадиган “Металлург” ва “Суғдиёна” шу вақтга қадар Олий лига доирасида 28 бора тўқнаш келган. Бу ўйинларда 12 бора “Сўғдиёна”, 10 марта “Металлург” ғалаба қозонган ва 6 ўйин дуранг натижа қайд этилган. Бекободда ўтказилган сўнгги 4 учрашувнинг барчасида Рустам Мирсодиқов шогирдлари ғалаба қозониб келмоқда.
Ўз майдонида “Олималиқ”ни қабул қиладиган “Бухоро” учун Шквирин жамоаси жуда ноқулай рақиблардан бири ҳисобланади. Шу вақтга қадар жамоалар Олий лига доирасида, Бухорода 7та ўйинда майдона тушган бўлса, уларнинг тўрттасида айнан сафарда ўйнаган “Олмалиқ” ғалаба қозонган. Фақатгина учтасида бухороликлар зафар қучган. Жамоаларнинг Бухорода ўтказилган ўзаро ўйинларида шу вақтга қадар дуранг натижа қайд этилмаган. Аввалги мавсум доирасида Бухорода бўлиб ўтган учрашувда “Олмалиқ” йирик — 4:0 ҳисобида ғалаба қилган.
Навоийда “Қизилқум” Муборакнинг “Машъал” клубини қабул қилади. Зарафшонликлар Муборак жамоасини ўз майдонида тўққиз мавсумдан буён мағлуб эта олаётгани йўқ. Янги мавсумнинг дастлабки учрашувида “Машъал” ушбу анъанани сақлаб қолишга ҳаракат қилса, “Қизилқум” эса нихоят ўзи учун нохуш серияга бархам беришга ҳаракат қилади.
Мавсумни Осиё чемпионлар лигаси ўйинлари орқали барчадан аввал бошлаб улгурган “Бунёдкор” Олий лига доирасидаги илк ўйинида “Нефтчи”ни қабул қилади. Аввалги мавсумда “Нефтчи” ўз тарихида биринчи марта сафарда “Бунёдкор”ни мағлуб эта олди. Унга қадар икки ўйинда дуранг ўйнаб, қолган 6 ўйинда мағлуб бўлган.
Аввалги мавсумнинг сўнгги турида “Навбахор” майдонига сафар қилиб, драматик ўйинда 3:2 ҳисобида ғалаба қозонган “Локомотив” янги масумни ҳам Наманганга сафар билан бошлайди. Мавсумлар оралиғида таркибга кўпгина янги футболчиларни жалб қилган ҳар икки жамоа ҳам якшанба куни чемпионатни муваффақиятли бошлаб олишга интилади. Таъкидлаш керакки, “Локомотив” учун 2016 йилги мавсум аллақачон бошланиб улгурган ва “темирйўлчилар” Осиё чемпионлар лигаси доирасида икки ўйин ўтказиб, ҳар иккисида биттадан очко олиб улгурди. “Навбахор” эса янги мавсумдаги илк очколарни айнан Тошкент жамоасига қарши ўйинда қўлга киритишга уринади.
Иккинчи март куни Саудия Арабистонининг “Ал-Аҳли” клубини қабул қилиб, 2:1 ҳисобида ғалаба қозонган қаршиликлар энди, 6 март, якшанба куни Қаршидаги “Марказий” ўйингоҳда Қашқадарёнинг бошқа бир клуби — “Шўртан”ни қабул қилади.
Турни эса Ўзбекистоннинг амалдаги чемпиони “Пахтакор” ҳамда Бахтиёр Ашурматов бошчилигидаги “Андижон” жамоалари ўртасида Тошкентда бўлиб ўтадиган ўйин якунлаб беради. Ушбу ўйин душанба, 7 март кунига белгиланган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ал-Ғарафа
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
