Роналду "Ан-Наср"да ўйнашдан бош тортмоқда [10683]
Мбаппе: «Биз сизни ҳеч қачон уялтирмаймиз» [6285]
Арбелоа Беллингемнинг жароҳати ҳақида гапирди [4034]
Абдуқодир Ҳусановнинг “Тоттенҳэм”га қарши ўйини қандай баҳоланди? [3549]
Кэррик бу юлдузни "МЮ"га қайтаришни талаб қилади [3153]
Расман. «Барселона» мисрлик иқтидор трансферини эълон қилди [2613]
Беллингемга ташхис қўйилди [2440]
Роналду Бенземанинг трансферига қарши чиқмоқда [2418]
Фермин Лопес "Барса"да қолиш учун қайси гранд жамоаларга рад жавобини бергани маълум бўлди [1665]
АПЛ. «Ман Сити» «Тоттенхэм» майдонида тайёр ғалабани қўлдан чиқарди [1652]
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Барчага маълумки, “Бунёдкор” клуби раҳбарияти ёшларга таянган ҳолда келажакни таъминлашни мақсад қилган. Бу борада “қалдирғочлар” ўз академиясидаги футболчиларнинг хизматларидан фойдаланишмоқда. Жамоанинг ўзаги ҳам айни пайтда ёшлардан иборат. Бугунги кунда 21 ёшга тўлиб тўлмаган футболчилар ОЧЛ-2016 плей-оффида тажрибали “Ал Шабаб”ни мағлуб этди. "Қалдирғочлар"нинг олдинги чизиғидаги учлик ўтиш босқичидаги ўйин тақдирини ҳал қилди десак, адашмаган бўладмиз. Умуман олганда, бу трио ўтган мавсумда ҳам ажойиб ўйинлар намойиш этганди. Бу мавсумда ҳам Шомуродов, Ўринбоев, Хамдамовдан иборат ШЎҲ триоси мухлисларни хурсанд этишга улгурди. Тўғри охирги пайтларда Забихилло ҳар доим ҳим тошкентликларнинг асосий таркибидан ўрин ололмаяпти. Лекин у майдонга тушган пайтларда “Бунёдкор” ҳужумидаги учлик ишга тушади. Қарши ҳужумлардаги тезкор ўйинни эса гапирмаса ҳам бўлади. Эътиборга молик томони шундаки, “қалдирғочлар”нинг қанот ҳимоясида Акрамжон Комилов ва Акмал Шораҳмедов борлиги уларнинг яна бир ютуғи. Чунки аксарият қанотлардан ташкил этилган ҳужумлар айнан улар томонидан бошланади. Якунда эса ШЎҲдан бирортаси гол уради ёки ҳавфли ҳужум юзага келтиради.
“Ал Жаиш” – РҲР
Қатарнинг “Ал Жаиш” клубида ҳам айни пайтда жамоанинг олдинги чизиғида 3та тўпурар футболчилар – Абдураззоқ Ҳамедаллаҳ, бразилиялик Ромариньо ҳамда ҳамюртимиз Сардор Рашидов ҳаракат қилишмоқда. Эътиборга молик томони ушбу учлик “Ал Жаиш”нинг жонига оро кирмоқда. Улар томонидан киритилган аксарият голлар клубнинг ғалабасини таъминламоқда. Лекин бу трио ураётган голлар турнир жадвалини бошқариб бораётган “Ал Райян”га етиб олиш учун камлик қилмоқда.
“Ҳарбийлар” жамоаси ҳисобланган Сардор Рашидов ҳаракат қилаётган клуб бу мавсум 41 та гол урган. Шулардан 33 тасига РҲР триоси муаллифлик қилмоқда. Ҳамедаллаҳ 15 та ва қолган икки футболчи 9 мартадан рақиб дарвозасини ишғол этишга муваффақ бўлишди.
Эътиборлиси, Юлдузлар Лигаси матбуот хизмати ҳамюртимиз ҳақида қуйидаги таърифни келтирди:
“Ўзбекистон миллий терма жамоаси аъзоси Сардор Рашидов ёзда “Ал Жаиш” сафига келиб қўшилди ва тезда жамоага киришиб кета олди. Уни кўпинча ўйин услуби бўйича Криштиану Роналдуга қиёслашади. У чиндан ҳам Юлдузлар Лигасидаги юксак теҳникага эга футболчилардан бири эканини кўрсатиб келмоқда. Футболчи шу пайтга қадар 9 бор рақиблар дарвозасини ишғол этди ва 5 та голли узатма амалга оширди”, дея ёзилади “қалдирғочлар” собиқ футболчиси ҳақида.
Шуни айтишимиз мумкинки, Сардор Рашидов жамоада ўз ўрнини топиб бўлди. Хатто ҳужумкор ярим ҳимоячи “Ал Жаиш”даги трионинг бир қисмига айлангани эътиборга молик.
“Барселона” – МСН
Каталониянинг “Барселона” клуби ҳақида гап кетар экан, дарров жамоанинг олдинги чизиғида ҳаракат қиладиган футболчилар учлиги кўз олдимизга келадиган бўлиб қолди. Месси, Суарес ва Неймар триоси жамоанинг асосий маханизмига айланиб бўлди. Жанубий америкалик футболчилардан ташкил топган ҳужумчилар айни пайтда кенг кўламли ишларни амалга оширишмоқда. Улар йўлидан чиққан рақиб дарвозасини тап тортмасдан ишғол қилишяпти. Ҳозирча уларни тўхтатиб қоладиган ҳимоя қўрғони топилганича йўқ. Айнан МСНнинг тўрурарлик маҳорати эвазига жамоадаги бошқа камчиликлар кўзга кўринмаяпти. Уларнинг голлари ҳамма камчиликларни ёпиб келмоқда.
Умуман олганда, Месси, Суарес ва Неймар учлиги дунёдаги ва футбол тарихидаги энг яхшиси дея эътироф этилмоқда. Балки бу унчалик ҳам тўғри эмасдир. Футбол тарихида бундан ҳам кучли учликлар бўлгандир. Лекин биз ҳозир кўриб турганимиз Каталониядаги трио энг кучлиси эканлигини хатто “Реал” мухлислари ҳам инкор эта олишмаса керак. Бу айни ҳақиқат.
Биз эса яқин йиллар ичида ўзимизнинг клубларимизда учликлар кўпайишини камида “Бунёдкор” ёшлари каби триолар ҳосил қилишса, бу фойдадан ҳоли бўлмасди. Чунки ҳозирги замонавий футболда бир-бирини тушунадиган футболчилар тандеми самара бермоқда. Бунинг ёрқин мисоли – “Барселона”нинг ҳужумидаги триодир!
Қаҳрамон Асланов
Шуҳрат Шокиржонов
Шерзод Ражабов
