11, 12 март кунлари Ўзбекистон профессионал футбол лигаси-2016, иккинчи тур учрашувлари ўтказилади.
5 — 7 март кунлари бўлиб ўтган биринчи турда бир қанча қизиқарли ва шиддатли ўйинлар намойиш қилинганди. Тур якунлари ҳақида аввалроқ тўхталиб ўтгандик.
Бугун старт оладиган иккинчи турда ҳам бир қанча эътиборга молиқ ўйинлар қарама-қаршиликлар мухлислар диққат марказида бўлиши кутиляпти.
Қуйида иккинчи тур ўйинлари тақвимини келтириб ўтамиз:
11 март, жума.
16:30 “Андижон” – “Локомотив”
16:30 “Машъал” – “Металлург”
17:00 “Сўғдиёна” – “Бунёдкор”
17:00 “Олмалиқ” – “Насаф”
17:30 “Пахтакор” – “Қўқон-1912”
12 март, шанба.
16:00 “Обод” – “Бухоро”
16:30 “Шўртан” – “Қизилқум”
17:00 “Нефтчи” – “Навбаҳор”
Биринчи турда Наманганга сафар қилган Тошкентнинг “Локомотив” клуби бу сафар ҳам меҳмонда тўп суради. Ўтган турда Тошкентнинг “Пахтакор” клуби меҳмони бўлган “Андижон” энди “темирйўлчилар”ни ўз майдонида қабул қилади. Ушбу жамоалар Олий лига доирасида 18 бора тўқнаш келиб, унинг 11тасида “Локомотив”, 4 ўйинда “Андижон” ғолиб бўлган ва 3 ўйинда ғолиб аниқланмаган. 2015 йилги мавсум доирасидаги ҳар икки учрашувда ҳам тошкетликлар ғалаба қозонганди. Шу вақтга қадар ўз майдонида ўтказилган учрашувларнинг фақат 3тасида ғалаба қозона олган “бургутлар”, вазиятни ўнглашга уринса, “Локомотив” сафарда “Андижон” устидан қозонилган ғалабалар сонини 6тага етказишга ҳаракат қилади.
Ушбу тур доирасидаги яна бир қизиқ кечиши кутилаётган учрашувлардан бири — “Олмалиқ” – “Насаф”. Сўнгги уч йил давомида ўз майдонида “Насаф”га мағлуб бўлмай келаётган бўлса-да, олмалиқликлар уйдаги ғалабалар сони билан ҳам мақтана олмайди. Шу вақтгача Олмалиқда Олий Лига доирасида “Насаф”га қарши учрашувларда фақатгина бир марта Шквирин шогирдлари зафар қучган. Дастлабки турда “Бухоро”дан мағлубият билан қайтгандан кейин Тошкент вилояти вакили учун чемпионатдаги илк очколарни қўлга киритиш жуда муҳим. Ўз навбатида олдига доим улкан мақсадларни қўядиган “Насаф” ҳам уч очко учунгина Олмалиққа ташриф буюрган.
Иккинчи турда Жиззахга сафар қилаётган “Бунёдкор” ўтган мавсумда “Сўғдиёна”га қарши меҳмондаги учрашувда мағлуб бўлганди. Бу — “Бунёдкор”нинг ўз тарихида илк бора “Сўғдиёна” майдонида мағлубиятга учраши эди. Унгача бўлган 5 ўйиннинг барчасида “қалдирғочлар” ғолиб бўла олганди. Лучшан шогирдлари биринчи турда бошланган ғалабали одимларини давом эттиришга уринса, жиззахликлар аввалги мавсум натижасини такрорлаш илинжида майдонга тушади.
Узоқ йиллик танаффусдан кейин ўтган мавсумни Олий Лигада ўтказган Қўқон жамоаси бу турда “Пахтакор” тўқнаш келади. Мамлакатнинг амалдаги чемпионига қарши ўтган йили Тошкентда бўлиб ўтган учрашувда қўқонликлар 1:4 ҳисобида мағлубиятга учраганди.
Олий Лига дебютанти — “Обод” биринчи турда “Қўқон-1912”дан мағлубиятга учрагач, энди Тошкентдаги Олий Лига доирасидаги биринчи уй учрашувида “Бухоро” қаршилигини енгишга уринса, турнинг марказий учрашувларидан яна бирида “Нефтчи” Фарғонада “Навбаҳор”ни қабул қилади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
