ЖЧ-2018 саралаш босқичи доирасида Ўзбекистон терма жамоаси ўз майдонида Филиппин термасини қабул қилди ҳамда минимал ҳисобда мағлуб этди.
Ўйиннинг 7-дақиқасидаёқ Ўзбекистон ҳисобни очиши шарт эди. Рақиб ҳимоячисининг хатосидан сўнг Сергеев дарвозабон билан бирга-бир вазиятга чиқиб борди ва унчалик муваффақиятли бўлмаган зарбани ижро этди. Неил Этериж зарбани қайтарди. Тўп эса жарима майдончаси чизиғи устида турган Сервер Жепаровга келиб тушди. Унинг зарбасини ҳимоячи қайтарди. Ана шу палладан бошлаб филиппинлик посбоннинг қаҳрамонлиги бошланиб кетди. Боз устига, ўйиннинг 10-дақиқасида Филиппин ҳужумчиси Портерия қизил карточка олиб, майдонни тарк этди.
Терма жамоамиз бутун бўлим давомида устунликка эга бўлишди, аммо танаффусга 5 дақиқа қолганида уюштирилган ҳужумлар чинакамига хавфли бўлди. Тўхтахўжаев ўнг қанотдан иккита узатма берди. Жепаровнинг яқин масофадан берган зарбасини дарвозабон қайтарган бўлса, Аҳмедовнинг зарбасидан сўнг тўп устун ёнидан ўтиб кетди. Жамоамиз яхши комбинация орқали Денисовни чап қанотдан олдинга бошлади. Виталийнинг узатмасини Шомуродов яқин масофадан дарвоза томон бурди. Посбон тўпни юқорига кўтариб юборди.
Иккинчи бўлимда Ҳасанов ва Гейнрих тушганидан кейин жамоамизнинг ўйини янада жонланди. Айнан Александрнинг узатмасидан кейин Анзур Исмоилов тўп йўналишини ўзгартирди. Олис бурчакка бораётган тўпни Этериж қайтара олмади.
Голдан руҳланган ўзбекистонликлар ҳужум қилишда давом этишди. Аммо футболчиларимизнинг зарбаларига аниқлик етишмади. Ўйиннинг 82-дақиқасида вакилларимиз 100 фоизлик имкониятдан фойдалана олишмади. Аҳмедов футболчиларни алдаб жарима майдончаси кирди ва бўш турган Гейнрихга узатма берди. Сашанинг 7-8 метрдан йўллаган зарбаси устунга тегиб, унинг ўзига қайтди ва такрорий зарбани ҳимоячи қайтарди. Бу сафар тўп Сергеевга келиб тушди. Игорь 5 метрдан 7 мерли дарвоза қолиб, тўпни осмону фалакка равона қилди. Орадан 2 дақиқа ўтиб Одил олис юқори бурчакка айланма зарба берди. Дарвозабон бу зарбани ҳам қайтарди.
Терма жамоамиз 80 дақиқа давомида бир киши кўп бўлиб ўйнаб, Филиппинни кичик ҳисобда мағлуб этди ва гуруҳда 1-ўринга кўтарилиб олди.
ЖЧ-2018 САРАЛАШ БОСҚИЧИ
"Н" ГУРУҲИ, 9-ТУР
ЎЗБЕКИСТОН - ФИЛИППИН - 1:0
ГОЛ: Анзур Исмоилов (59)
Четлатиш: Хосе Портериа (10)
Ўзбекистон: 21.Александр Лобанов, 2.Егор Кримец, 5.Анзур Исмоилов, 8.Сервер Жепаров (Александр Гейнрих 57), 9.Одил Аҳмедов (С), 10.Сардор Рашидов (Марат Бикмаев 72), 11.Игорь Сергеев, 14.Жавоҳир Соҳибов, 19.Виталий Денисов, 20.Ислом Тўхтахўжаев, 23.Элдор Шомуродов (Жасур Ҳасанов 52)
Филиппин: 1.Нейл Этериж, 4.Симоне Рота, 5.Жуан Гуирадо (С), 6.Луке Вудланд (Доминик дел Росарио 90+2), 7.Ян Рэмси (Кенширо Даниелс 64), 11.Сато Дайсуке, 12.Амани Агуиналдо, 18.Патрик Рейчелт (Деннис Вильянуэва 70), 20.Хавьер Патино, 21.Мартин Стеубле, 23.Хосе Портериа
Бош ҳакам: Рюжи Сато (Япония)
24 март. Тошкент. "Бунёдкор". 34000 томошабин
Матнда хатолик топсангиз, ўша хатони белгилаб, бизга жўнатинг (Ctrl + Enter).
Локомотив
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
