Кеча жамоамиз чемпионатдаги навбатдаги ғалабасини тантана қилди. “Андижон” жамоасини қабул қилган вакилларимиз Носир Отақўзиев томонидан киритилган ягона гол эвасига рақибни доғда қолдиришди. Қуйида мазкур учрашувга аталган фотомақола билан танишинг:
Учрашув олдидан ҳар икки жамоа аъзолари эсдалик учун суратга тушишди.
Бош ҳакам Бахтиёр Намозов икки жамоа сардорлари – Андрей Бакланов ва Иброҳим Отахонов билан биргаликда ўйинни ким бошлаб беришига ойдинлик киритмоқда.
Учрашувни вакилларимиз бошлаб беришди.
Баҳс старт олиши билан жамоалар шиддатли ҳужумларни ташкил эта бошлашди.
Андижонликларнинг Наманья Йовановичдан умидлари катта эди. Бу ҳужумчи сўнгги ўйинларда рақиблар дарвозасини ишғол этиб келаётганди. Аммо Қўқонда унга ҳимоячиларимиз ҳеч қандай имконият қолдиришмади. Бундан эса хорижлик футболчининг жаҳли чиққан бўлиши аниқ.
Отабек Ҳайдаров голга ҳаммуаллифлик қилди. Ўзи эса сўнгги дақиқада ўта қулай имкониятни қўлдан бой берди. Ўйлаймизки, кейинги ўйинда Отабек Ҳайдаров рақиб дарвозасини ишғол этади.
Отабек Зокиров ҳам рақибларни таҳликада ўшлаб турди.
Биринчи бўлимдаги ҳужумларимиз бесамар якунланаверди.
Иккинчи таймдаги биринчи ҳужумимиз эса рақиб дарвозасининг ишғол этилиши билан якун топди. Гол муаллифи – Носир Отақўзиев. Ўтган йилги мавсумда жамоамиз тўпурари бўлган тажрибали ҳужумчи ушбу мавсумдаги биринчи ўйинидаёқ рақиб дарвозасини аниқ нишонга олишга эришди.
Абдуллох Олимов собиқ жамоасига қарши кечган ўйинни юқори савияда ўтказди.
Миржалол Қурбоновнинг ўйини ҳам мухлисларга манзур бўлди.
Ҳар икки клуб бош мураббийлари баҳсни тик турган ҳолда кузатиб боришди.
Меҳмонлар кўп қоида бузишди. Бунинг натижасида Турсунбой Ҳусанов ҳакам томонидан қизил карточка билан жазоланди.
Андижонлик мухлислар гол бўлавермагач, Анвар Бердиевнинг майдонга тушишни талаб қилишди. Аммо Бердиевнинг ҳаракатлари ҳам самара бермади. Қозонилган ғалаба эса кеча туғилган кунини нишонлаган Фурқат Ҳасанбоевга бағишланди.
Бахтиёр Ашурматов ҳар қанча шошилмасин унинг шогирдлари учинчи мағлубиятни тан олишга мажбур бўлишди.
Кеча “Марказий” стадионга 8 мингдан зиёд мухлис ташриф буюрди ва уларнинг кўпчилиги хурсанд ҳолда қайтиб кетишди. Дербидаги мухлислар ҳақида кейинроқ батафсил тўхталамиз.
Ўйиндан кейин ташкил этилган матбуот анжуманида меҳмонлар мураббийи Зоҳид Нурматов иштрок этди ва шогирдларига омад кулиб боқмаганини таъкидлади.
Жамоамиз устози Муроджон Исмоилов эса шогирдларидан мамнун эканлигини яширмади.
Мана шундай ғалабали одимлар кўп бўлишини истаймиз.
Олға, “Қўқон-1912”!
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
