Матбуот анжуманинг иккинчи қисмида эса “Навбаҳор” мураббийи Александр Волков журналистларнинг саволларига жавоб қайтарди:
- Гарчи ғалаба қозона олмаган бўлсакда, қйиндан яхши таассуротлар қолди. Негаки жамоамиз вақт ўтгани сайин ўзидан кутилган ўйинни кўрсатмоқда. Яъни ўйинимизда ривожланиш кузатилмоқда. Имкониятлардан фойдаланиш борасидаги камчиликларимизни инкор эта олмайман. Лекин, бу муаммо бутун жаҳонда мавжуд. Бугун жамоамиз аъзолари бирдамликда бир оила сифатида тўп суришди. Фақат гол ура олмаганимиз яхши бўлмади. Нима ҳам қила олардик, учрашувда бирозгина омад ҳам биздан юз ўгирди. Қолаверса, рақиб ҳам муносиб тарзда қаршилик кўрсатди. Жиззахликларни ҳимоядан ўйнашларини кутгандик. Бунга бизни жамоамиз тайёр эди. Шундан келиб чиққан ҳолда рақиб дарвозаси олдида қатор хавфли вазиятларни юзага келтира олдик. Агарда аниқроқ ҳаракат қилганимизда дастлабки 20 дақиқалик вақт оралиғида олдимизга қўйилган вазифани бажариш имконига эга бўлардик. Афсуски, яхшигина имкониятларни кўкка совурдик. Ушбу камчиликлар устида ишлашда давом этмамиз. 90 дақиқа давомида биргина аниқ зарба бера олганимизда ҳаммаси яхши бўларди ва жамоа яхши ўйин кўрсатмади деган гап-сўзларга ҳам хожат қолмасди. Назаримда футболчиларимиз бугун ёмон тарзда ҳаракат қилишмади. Зерикарли ўйин бўлмади. Шундай бўлганида, ишқибозлар сўнгги сонияларгача жамоани қўллаб-қувватламаган бўлишарди. Хюнйеон Чойни бугунги кунда асосий таркибда майдонга тушиб 90 дақиқа ҳаракат қилишга функционал ҳолати имкон бермайди. Кўпи билан у бир тайм муносиб тарзда ўйнаши мумкин холос. Унинг ҳолатини ўз назоратимиз остида ушлаб турибмиз. Футболчини иккинчи бўлимда рақиб жамоа ва ўзимизни футболчилар бироз толиқиб қолган ҳолатда таркибга қўшмоқдамиз. Баҳс бошидан ҳаракат қиладиган бўлса майдонда умуман кўринмаслигини эҳтимоли юқори. Жанубий кореялик футболчи уч ой давомида машғулотларда мунтазам равишда иштирок этмаган. Бу ерга келгач, саломатлиги билан боғлик муаммолар туфайли ҳам майдон ташқарисида бўлди. Ўн кун давомида футболчини оптимал ҳолатга келиши деярли уддалаб бўлмайдиган вазифа. Легионеримиз, ўйиндан ўйинга ўзининг оптимал ҳолатига келиши мумкин. Айни пайтда эса у 20 дақиқа давомида мазмунли ўйин кўрсатиши мумкин холос. Ўзимизга ўзимиз душман эмасмизку, тайёр футболчини майдонга туширмаслик учун. Умуман олганда футболчини яхши савиядаги футболчи эканлиги маълум. Фақатгина, у ҳозирда оз вақт давомида савияли футбол кўрсата олади холос.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
