ФИФА кунларидан кейин Осиё ва Европада миллий чемпионатлар ўйинлари давом эттирилди. Ўзбекистон терма жамоаси йиғинида иштирок этган айрим легионерларимиз ўз клубларига қайтиб, майдонга ҳам тушдилар, фақат Сардор Рашидов Қатарга кетмади. Боиси....
САРДОР ЮРТИМИЗДА ҚОЛДИ
Боиси, «Ал-Жаиш»нинг Осиё Чемпионлар Ллигаси 5-тури доирасида «Насаф»га қарши кечадиган ўйин учун Қаршига келиши аниқ эди. Хуллас, Сардор Дохага учиб, чемпионатнинг навбатдаги турида майдонга тушиб, яна ортга қайтишдан кўра, шу ерда ОЧЛ ўйинига тайёргарлик кўришни маъқул топди. Тўғрироғи, унинг клуби шундай қарорга келди. Чунончи, Сардор Қаршида бўладиган ўйин олдидан ўз клуби мутасаддиларига ёрдам ҳам берди. «Жаиш» делегацияси Қаршига 3 апрель куни келган бўлса, ташкилий ишлар билан шуғулланувчи масъуллар бир кун аввал шу ерда ҳозир бўлишганди. «Ал-Жаиш»нинг ўйинига келсак, жамоа Юлдузлар лигаси 24-турида «Қатар»ни қабул қилди. Унда рақиблар муроса йўлини танлашди - 1:1. Натижада духайлликлар 3-ўринга тушиб қолишди.
ЭНДИ ТУРСУНОВ - РАШИДОВ ТЎҚНАШУВИ
Санжар Турсуновнинг клуби - «Умм Салал» эса бу турда «Ал-Араби»га қарши баҳс олиб борди ва сафарда ўйнаганига қарамай, 1:0 ҳисобида зафар қучди. 3 очко тақдирини ҳал этган ягона гол Мунир ал Ҳамдавий ҳисобига ёзилди. «Умм Салал» ушбу ғалаба орқали мусобақа жадвалида 5-ўринни сақлаб қолди. Миллий жамоамиз ярим ҳимоячиси ўйинни бошланғич таркибда бошлади ва 86 дақиқа ўйнади. Хуллас, Санжар финал ҳуштаги янграшига оз вақт қолганида ўз ўрнини захира вакили Одил ал Сулаймонийга бўшатиб берди. «Салал» навбатдаги учрашувини Сардор Рашидов жамоасига қарши ўтказади. Мазкур баҳс 10 апрель кунига белгиланган.
GULF CUP ФИНАЛИДА омадсизлик
Таркибида Азиз Ҳайдаров тўп сураётган «Ал-Шабаб» клуби Arabian Gulf Cup турнири финалида «Ал-Ваҳда» билан орани очиқ қилди. Аслида дубайликлар мусобақа ярим финалида «Ал-Аҳли»га ютқазиб қўйишганди. Бироқ маълум бўлишича, «Аҳли» сафида трансфери ноқонуний бўлган футболчи ўйнагани аниқланган. Шу боис, «Шабаб»га ҳал қилувчи учрашувда майдонга тушиш ҳуқуқи берилди. Аммо Азиз Ҳайдаров жамоадошлари бу имкониятдан фойдаланолмадилар. Яъни финални бой бердилар. Ўйинда урилган ягона гол «Ал-Ваҳда»га Gulf Cup кубогини тақдим этди. Азиз учрашувда тўлиқ вақт ҳаракатланди.
ЖАНГОВАР ДУРАНГ
Хитой супер-лигасида 3-тур учрашувлари ортда қолди. Унинг доирасида «Тианжин Теда»га қарши ўйнаган «Чанчун Ятай» жамоаси голлар шоусига муносиб ҳисса қўшди. Айтиш жоиз, Анзур Исмоилов клуби 4:4 ҳисоби билан чемпионатда илк очкосини қўлга киритди. Миллий жамоамиз ҳимоячиси ўйинни биринчи дақиқадан майдонда бошлади ва 56 дақиқа тўп сурди. Футболчимиз учрашувда сариқ карточка олишга ҳам улгурди.
------------------------------------------------
Одил Аҳмедов «(Краснодар»)
Россия премьер-лигаси. 22-тур. «Динамо» - «Краснодар» (4 апрель)
Ўйнади:
Жами ўйинлари сони: 20та
Голлари сони: 2та
------------------------------------------------
Виталий Денисов («Локомотив»)
Россия премьер-лигаси. 22-тур. «Локомотив» - «Рубин»-1:0
Ўйнади: 90 дақиқа
Жами ўйинлари сони: 21та
------------------------------------------------
Сардор Рашидов («Ал-Жаиш»)
Қатар Юлдузлар лигаси. 24-тур. «Ал-Жаиш» - «Қатар»-1:1
Ўйнади: -
Жами ўйинлари сони: 21та
Голлар сони: 9та
------------------------------------------------
Санжар Турсунов («Умм Салал»)
Қатар Юлдузлар лигаси. 24-тур. «Ал-Араби» - «Умм Салал»-0:1
Ўйнади: 86 дақиқа алмаштирилди
Жами ўйинлари сони: 9та
------------------------------------------------
Фозил Мусаев («Сепаҳон»)
Эрон про-лигаси. 24-тур. «Сепаҳон» - «Малаван»-2:2
Ўйнади: 90 дақиқа
Жами ўйинлари сони: 24та
Голлар сони: 2та
------------------------------------------------
Александр Лобанов («Персеполис»)
Эрон про-лигаси. 24-тур. «Персеполис» - «Сиёҳ Жамегон»-3:2
Ўйнади: -
Жами ўйинлари сони: 4та
Ҳусниддин Ғофуров («Явор»)
Сербия супер-лигаси. 28-тур. «Младость» - «Явор»-1:1
Ўйнади: 75дақиқа, алмаштирилди
Жами ўйинлари сони: 27та
Голлари сони: 4та
------------------------------------------------
Александр Гейнрих («Ордабаси»)
Қозоғистон премьер-лигаси. 3-тур. «Жетису» - «Ордабаси»-1:2
Ўйнади: -
Жами ўйинлари сони: 1та
------------------------------------------------
Бобур Давлатов («Актобе»)
Қозоғистон премьер-лигаси. 3-тур. «Астана» - «Актобе»-1:0
Ўйнади: 5 дақиқа, алмаштирилди
Жами ўйинлари сони: 3та
Голлари сони: 1та
------------------------------------------------
Анзур Исмоилов («Чанчун Ятай»)
Хитой супер-лигаси. 3-тур. «Чанчун Ятай» - «Тианжин Теда»-4:4
Ўйнади: 56 дақиқа, алмаштирилди
Жами ўйинлари сони: 3та
------------------------------------------------
Егор Кримец («Пекин Гуоан»)
Хитой супер-лигаси. 3-тур. «Янбиен Фунде» - «Пекин Гуоан»-1:0
Ўйнади: 1 дақиқа, захирадан тушди
Жами ўйинлари сони: 2та
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
