Ушбу ҳафта олий лигада 6-тур учрашувлари бўлиб ўтади. Бу сафар ҳам қизиқарли баҳслар гувоҳига айланамиз. Қуйида бўлажак ўйинларнинг башорати билан танишишингиз мумкин.
6-тур. 23 апрель (шанба)
«Андижон» (Андижон) - «СўҒдиёна» (Жиззах)
Ҳакамлар: О.Толибжонов (Тошкент), А.Снетков (Тошкент вил.), А.Цапенко (Тошкент вил.), И.Гармашов (Тошкент)
Назоратчи: Р.Айтеков (Тошкент).
Комиссар: А.Иноятов.
Бизнинг башорат: 40-30-30
Ўтган турда Фарғонада «Нефтчи»ни мағлубиятга учратиб, кичик сенсация қайд этган «Сўғдиёна» бу сафар ҳам водийга ташриф буюради. Жиззахликлар 6-турда «Андижон» меҳмони бўлишади. Ўйлаймизки, андижонликлар «Нефтчи»нинг хатосидан хулоса чиқарган ҳолда рақибга уч очко улашишмайди. Шундай экан, майдон эгаларининг ғалабаларини тахмин қилиш мумкин.
------------------------------------
«Машъал» (Муборак) - «Нефтчи» (Фарғона)
Ҳакамлар: Р.Эрматов (Тошкент), А.Расулов (Тошкент), Д.Саидов (Тошкент), Э.Турсунов (Бухоро)
Назоратчи: И.Шарипов (Бухоро).
Комиссар: Р.Черников.
Бизнинг башорат: 40-30-30
Бироз ўзини ўнглаб олган «Машъал» мавсумни бўш ўтказаётган «Нефтчи»ни қабул қилади. Албатта, фарғоналиклар олдинги учрашувдаги хатони тўғрилаш учун жон куйдиришлари табиий. Аммо «Машъал» ўз майдонида бўладиган учрашувларни юқори суръатда ўтказади. Шундай экан, тахминимизча, бўлажак баҳсда муборакликлар кичик ҳисобда зафар қучадилар.
------------------------------------
«Обод» (Тошкент) -
«Бунёдкор» (Тошкент)
Ҳакамлар: Ҳ.Рўзиев (Тошкент), О.Абдувосилов (Тошкент), С.Шоюсупов (Тошкент), А.Рубаков (Тошкент)
Назоратчи: Б.Тоғаев (Тошкент).
Комиссар: Ф.Магометов.
Бизнинг башорат: 20-30-50
Жамоаларнинг ҳозирги ҳолатидан келиб чиқадиган бўлсак, «Бунёдкор»нинг имкониятлари юқорироқ. Бунинг устига, «Обод» тажриба борасида ҳам рақибига имкониятни бой беради.
24 апрель (якшанба)
«ҚўҚон-1912» (Қўқон) -
«ҚизилҚум» (Навоий)
Ҳакамлар: Т.Тўхтасинов (Андижон), А.Маражабов (Андижон), З.Абдураҳмонов (Андижон), Д.Акмалов (Тошкент)
Назоратчи: А.Попов (Тошкент).
Комиссар: В.Лёткин.
Бизнинг башорат: 30-40-30
Мавсумни кўтаринки кайфиятда ўтказаётган «Қизилқум» «Қўқон» меҳмони бўлади. Мазкур баҳснинг қизиқарли тарзда кечишини тахмин қилиш мумкин. Умуман олиб қараганда, навоийликлар рақибга нисбатан кучлироқ ўйин намойиш қилишмоқда. Аммо қўқонликлар ўз мухлислари қаршисида ҳеч бўлмаганда дуранг қайд этишларини тахмин қилиб кўрдик.
------------------------------------
«Бухоро» (Бухоро) -
«Насаф» (Қарши)
Ҳакамлар: В.Цейтлин (Тошкент), А.Усмонов (Тошкент), А.Сидоров (Тошкент), И.Ибрагимов (Нукус)
Назоратчи: Ф.Абдуллаев (Тошкент).
Комиссар: АФролов.
Бизнинг башорат: 30-40-30
Жамоаларнинг ҳозирги ҳолатидан келиб чиқиб, Бухорода бўладиган ўйинни турнинг марказий учрашуви дейиш мумкин. Тахминимизча, баҳс тенг курашлар остида кечади ва томонлар бир очкодан бўлишиб олишади.
------------------------------------
«ОлмалиҚ» (Олмалиқ) -
«Навбаҳор» (Наманган)
Ҳакамлар: В.Серазетдинов (Тошкент), М.Саидқосимов (Тошкент), А.Калинин (Қарши), К.Расулов (Қарши)
Назорат: Ғ.Каримов (Тошкент).
Комиссар: Ш.Ражабов.
Бизнинг башорат: 40-30-30
Ўтган турда дастлабки ғалабасини нишонлаган «Навбаҳор» бу сафар «Олмалиқ» билан куч синашади. Одатда, олмалиқликлар ўз майдонларида бўладиган баҳсларда деярли очко йўқотишмайди. Шундай экан, бўлажак учрашувда мезбонларнинг кичик ҳисобда ғалаба қозонишларини тахмин қилиш мумкин.
------------------------------------
«Шўртан» (Ғузор) -
«Локомотив» (Тошкент)
Ҳакамлар: И.Танташев (Бухоро), Р.Серазетдинов (Тошкент), Т.Гайнулин (Тошкент), Ш.Ражабов (Бухоро)
Назоратчи: Х.Мухторов (Самарқанд).
Комиссар: Г.Ртвеладзе.
Бизнинг башорат: 20-30-50
Учрашувнинг яққол фаворити - «Локомотив». Ўйлаймизки, «темирйўлчилар» обрўларига яраша ўйин кўрсатадилар. Афтидан, «Шўртан» мавсумдаги дастлабки ғалабасини яна орқароққа суриб турадиган кўринади.
------------------------------------
25 апрель (душанба)
«Пахтакор» (Тошкент) - «Металлург» (Бекобод)
Ҳакамлар: В.Агишев (Тошкент), Р.Шояҳметов (Тошкент), В.Лушин (Гулистон), А.Эргашев (Тошкент)
Назоратчи: И.Нехочин (Наманган).
Комиссар: А.Қодиров.
Бизнинг башорат: 40-30-30
Бу жамоаларнинг ўтган йили Тошкентда бўлиб ўтган учрашуви кўп баҳс-мунозараларга сабаб бўлганди. Умид қиламизки, бу сафар бундай миш-мишларга асос қолмайди. Жамоаларнинг ҳолатидан келиб чиқсак, «Пахтакор» ғалаба қозонади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
