Жамоамиз олдида муҳим учрашув – Ўзбекистон Суперкубоги-2016 учрашуви турибди. “Севинч” жамоаси ушбу учрашувга пухта тайёргарлик кўрди. Учрашув 26 апрель сешанба куни бўлиб ўтади.
Аёллар футболи тарихида иккинчи марта ўтказилаётган ушбу Суперкубок учрашувида жамоамиз номинал майдон эгаси ҳисобланади.
Бу йилги Суперкубок учрашувининг ўтган йилгисидан фарқи шуки, бу йил Суперкубок фақат битта учрашувдан иборат бўлади. Ўтган йили ўтказилган Суперкубок учрашуви икки учрашувдан иборат бўлган эди.
Жамоамиз 2015 йил 16 апрел куни Бекобод шаҳрида ўтказилган Ўзбекистон Суперкубогининг дастлабки учрашувида “Металлург-W” жамоасини 3:0 ҳисобида мағлуб этган эди. Учрашувдаги ҳисоб биринчи бўлимнинг 23-дақиқасида Саида Хандамова томонидан очилган эди. Тажрибали ярим ҳимоячимизнинг ушбу голи Ўзбекистон аёллар футболи Суперкубок учрашувидаги 1-гол сифатида тарих саҳифаларига муҳрланган.
Иккинчи бўлимнинг 61-дақиқасида Камола Рисқиева ва 70-дақиқада Мария Моисеевалар томонидан киритилган голларга бекободлик футболчи қизлар биронта тўп билан жавоб бера олишмаган.
Ўзбекистон Суперкубоги-2015нинг жавоб учрашуви эса 23 апрел куни Қарши шаҳрида бўлиб ўтган. Ушбу учрашув 1:1 ҳисобида якунланган. Учрашувда жамоамиз сардори ва ҳужумчиси Зебо Жўраева рақиб дарвозасини 20-дақиқада ишғол қилиб, орадаги ҳисобни очган. “Металлург W” жамоаси аъзоси Моҳигул Икромова томонидан эса 22-дақиқада ҳисоб тенглаштирилган. Ушбу ҳисоб ўйин охиригача ўзгармасдан қолган.
Ҳар иккала учрашув натижасига кўра, “Севинч” жамоаси Ўзбекистон аёллар футболи тарихида илк марта ўтказилган Суперкубок учрашувларида ғолиб бўлиб, Ўзбекистон Суперкубоги соҳибига айланган эди.
Яна бир қизиқарли факт, ўтган йилги Суперкубок учрашувида майдонга тушган кўпгина фуболчи қизларимиз бу йил сафимизда йўқ, булар Мария Мосиеева ва Маҳлиё Сариковалардир. Бунгача бекободликлар сафида фаолият юритган Шодия Тошева эса бу йил, собиқ жамоасига қарши майдонга тушиши мумкин.
Энди бу йил ҳам ушбу жамоалар Суперкубок учун баҳс олиб боришади. Жамоамиз ўтган йилги мавсумда Ўзбекистон чемпиони, “Металлург W” жамоаси эса Ўзбекистон Кубоги соҳиби сифатида майдонга тушишади.
Бўлажак учрашув шубҳасиз қизиқарли ўтиши турган гап. Чунки мазкур жамоалар Ўзбекистон аёллар футболидаги еткачи жамоалар ҳисобланади. Иккала жамоа иштирокидаги чемпионат учрашувлари ҳам доимо муросасиз ва кескин бўлган. Энди эса иккала етакчи жамоа Суперкубок учун майдонда саф тортишади.
Барча футбол ишқибозларини ана шу қизиқарли учрашувга таклиф этиб қоламиз.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
